Wewak
Wewak é a capital da provincia de Sepik do Leste, en Papúa Nova Guinea. Atópase na costa norte da illa de Nova Guinea e é a poboación máis grande que hai entre Madang e Jayapura.
Entre 1943 e 1945, durante a segunda guerra mundial, Weeak foi base do corpo aéreo xaponés na illa. A base foi bombardeada en repetidas ocasións por avións australianos e estadounidenses, máis notablemente no ataque masivo do 17 de agosto de 1943.
O centro antigo de Wewak localízase nunha pequena península, co resto da área urbana ocupando unha estreita franxa de terra entre o océano e a cordilleira montañosa costeira que emerxe a pouca distancia cara a dentro. Ao leste do centro, atópase unha pequena península onde se localiza en Hospital Boram e o Aeroporto Internacional de Wewak, que tamén é coñecido como Boram.
Wewak está comunicado por estrada con outros tres pobos do río Sepik: Angoram, Timbunke e Pagui, aínda que esta estrada non está en boas condiciones nin é de todo segura. Outra estrada vai pola costa cara ao oeste unindo Wewak cos pobos costeiros de Aitape e Vanimo, este último capital da provincia de Sandaun.