Waldrada, filla de Wacho
Waldrada ou Vuldetrada, nada en 531 e finada en 572, foi unha dama franca filla de Wacho, rei dos longobardos (que gobernou sobre 510-539) e da súa segunda muller chamada Austrigusa ou Ostrogota, unha muller xépida.
| Waldrada, filla de Wacho | |
|---|---|
| Nacemento | 530 |
| Lugar de nacemento | valor descoñecido |
| Falecemento | 570 |
| Lugar de falecemento | valor descoñecido |
| Ocupación | consorte |
| Pai | Wacho |
| Nai | Austricusa |
| Cónxuxe | Teodebaldo, rei dos francos, Garibaldo I de Baviera e Clotario I |
| Fillos | Teodelinda de Baviera, Gundoaldo, Grimoald I, Romilda of Friuli, Tasilón I de baviera, Chlotsuinda (?) e Tochter von Bayern |
| Irmáns | Valtari e Wisigarda |
| Na rede | |
 | |
| [ editar datos en Wikidata ] | |
TraxectoriaEditar
Foi a esposa de Teodebaldo, rei de Austrasia (que gobernou entre 548 e 555), do que quedou viúva; despois foi a amante repudiada de Clotario I, rei dos francos (que gobernou ata 561) que a entregou como muller a Garibaldo I de Baviera.
A Origo gentis Langobardorum denomina nomen unae Wisigarda…nomen secundæ Walderada como as dúas fillas de Wacho e a súa segunda muller, especificando que Waldrada estaba casaba con Scusuald rex Francorum e máis tarde con "Garipald".[1]
A Historia Langobardorum fala de Walderada como a segunda filla de Wacho da súa segunda muller, especificando que casou con Francorum rex Chusubald.[2] Paulo Diácono denomina Wisigarda…[et] secunda Walderada como as dúas fillas do Rei Wacho e a súa segunda muller, especificando que Walderada estaba casada con Cusupald, alio regi Francorum e máis tarde con Garipald.[3]
Hermann de Reichenau (Herimannus) denomina Wanderadam á esposa de Theodpaldus rex Francorum cando menciona o segundo matrimonio do rei Lotario: Lotharius rex patris eius Theodeberti patruus.[4]
Gregorio de Tours denomina a Vuldetrada como a muller do rei Teodebaldo.[5] Segundo Gregorio de Tours, o rei Clotario empezou a ter relacións coa viúva do rei Teodebaldo, ata que os bispos se queixaron e entregouna ao duque Garibaldo de Baviera,[6] que aparentemente implica que o rei Clotario non chegou a casar con Waldrada.
ReferenciasEditar
- ↑ Origo gentis Langobardorum 4, Monumenta Germaniae Historica Ss rer Lang I, páx. 4.
- ↑ Historia Langobardorum Codicis Gothani 4, Monumenta Germaniae Historica Ss rer Lang I, páx. 9
- ↑ Pauli Historia Langobardorum I.21, Monumenta Germaniae Historica Ss rer Lang I, páx. 59.
- ↑ Herimanni Augiensis Chronicon 553, Monumenta Germaniae Historica Ss V, páx. 88.
- ↑ Gregorio de Tours a Historia Francorum IV.9, pág. 202.
- ↑ Gregorio de Tours, Historia Francorum IV. 9, pág. 203.