Voo sen motor
O voo sen motor é unha actividade de lecer e competición durante a cal os pilotos utilizan un aerodino chamado planador ou veleiro. A práctica consiste en aproveitar as correntes en chorro de aire ascendentes ou "ascensos" co planador para percorrer a maior distancia posíbel. É a técnica que máis imita o voo dos paxaros.[1]
Mentres algúns pilotos aprecian a liberdade, o pracer estético e a alegría de manexar as súas máquinas, outros céntranse no seu rendemento en competicións nas que o obxectivo é completar o máis rápido que se poida un percorrido determinado por puntos. Estes eventos pon a proba a capacidade de pilotos e copilotos (no caso de máquinas de dúas prazas) para recoñecer e utilizar as condicións meteorolóxicas, así como as súas calidades de pilotaxe e navegación. Tamén hai unha práctica acrobática chamada planador acrobático.
As rutas poden ser de diferentes tipos:
- con obxectivos fixos nun mínimo de tempo;
- un circuíto libre onde só se ten en conta a distancia;
- a maior distancia posíbel nunha duración determinada.
En Galiza editar
Varias organizacións, como a Universidade de Vigo[2] ofrecen actividades de voo sen motor. Ademais, a Festa da Dorna convoca un certame humorístico de "voo sen motor" no que os artefactos e os pilotos caen ás augas da Ría de Arousa en Ribeira.[3][4]
Wikimedia Commons ten máis contidos multimedia na categoría: Voo sen motor  |
Notas editar
- ↑ CCMA, ed. (2016-06-03). "Vol sense motor a la Cerdanya (en catalán)". ccma.cat/.
- ↑ "Volven-actividades-aventura-co-voo-sen-motor-principal-novidade". uvigo.gal.
- ↑ "Festa da dorna 2008 - Voo sen motor". Consultado o 2022-04-15.
- ↑ "Así se viviu o Voo Sen Motor da Festa da Dorna!". La Voz de Galicia. Consultado o 2022-04-15.