Voo 4509 de China Southwest Airlines

O voo 4509 de China Southwest Airlines era un servizo doméstico dende o aeroporto de Chengdu-Shuangliu, en Sichuan ata o aeroporto de Wenzhou-Yongqiang, en Zhejiang. O 24 de febreiro de 1999 o Tupolev Tu-154M que operaba a ruta esnafrouse mentres se aproximaba ao aeroporto de Wenzhou, matando aos 61 pasaxeiros e tripulantes a bordo.

Voo 4509 de China Southwest Airlines
Tu-154M semellante ao do accidente
Resumo
Data	24 de febreiro de 1999
Causa	fallo mecánico da sección de cola
Lugar	Wenzhou
Coordenadas
Orixe	aeroporto de Chengdu
Destino	aeroporto de Wenzhou
Finados	61
Aeronave
Tipo de aeronave	Tupolev Tu-154M
Operador	China Southwest Airlines
Rexistro	B-2622
Pasaxeiros	50
Tripulación	11
Superviventes	0

Avión

O avión era un Tupolev Tu-154M construído en 1990, con número de serie 90A-846 e equipado con tres motores Soloviev D-30. Inicialmente foi rexistrado na Unión Soviética como CCCP-85846. Foi entregado á Administración da Aviación Civil da China (CAAC) en abril dese ano e rexistrado como B-2622.

Tripulación

A tripulación de voo estaba formada polo capitán Yao Fuchen, o primeiro oficial Xue Mao, o navegador Lan Zhangfenge o enxeñeiro de voo Guo Shuming. Había tamén sete asistentes de voo a bordo.

Accidente

O 24 de febreiro de 1999 a tripulación estaba preparándose para aterrar no aeroporto de Wenzhou. Os flaps estaban estendidos aos 1 000 metros, pero segundos despois o nariz do avión baixou abruptamente, o aparello desintegrouse no aire e esnafrouse nunha zona de terreo alto estoupando. Varias persoas en terra resultaron feridas polos cascallos. Os 61 ocupantes do avión morreron.