Voo 291 de Iran Air
O voo 291 de Iran Air foi un voo que se esnafrou o día 21 de xaneiro de 1980. Tratábase dun voo doméstico entre o aeroporto de Mashhad e o aeroporto de Mehrabad en Irán, operado por un Boeing 727-86. Ás 19:11 hora local, o aparello, con rexistro EP-IRD, chocou contra as montañas Alborz, a 29 quilómetros ao norte de Teherán, durante a aproximación á pista 29 do aeroporto de Mehrabad en condicións de néboa e neve.[1] Os 8 tripulantes e 120 pasaxeiros morreron no accidente, e o avión quedou esnaquizado. Na época o voo 291 de Iran Air foi o peor accidente aéreo de Irán.
Voo 291 de Iran Air | |
---|---|
Boeing 727 semellante ao do accidente
| |
Resumo | |
Data | 21 de xaneiro de 1980 |
Causa | ILS e radar de terra inoperables |
Lugar | montañas Alborz |
Coordenadas | Coordenadas: 35°44′00″N 51°25′00″L / 35.7333, 51.4167 |
Orixe | aeroporto de Mashhad |
Destino | aeroporto de Mehrabad |
Finados | 128 |
Aeronave | |
Tipo de aeronave | Boeing 727-86 |
Operador | Iran Air |
Rexistro | EP-IRD |
Pasaxeiros | 120 |
Tripulación | 8 |
Superviventes | 0 |
Os investigadores concluíron que a causa probable do accidente foi que o ILS e o radar de terra non estaban operativos.[1] O presidente e cinco funcionarios da Autoridade da Aviación Civil de Irán foron condenados por homicidio involuntario[2] como resultado do voo 291.
Notas editar
- ↑ 1,0 1,1 Ranter, Harro. "ASN Aircraft accident Boeing 727-86 EP-IRD Tehran-Mehrabad Airport (THR)". aviation-safety.net. Consultado o 2018-12-13.
- ↑ Gero, David (1996). Aviation Disasters Second Edition. Patrick Stephens Limited. ISBN 978-1852605261.