Voo 2254 de Atlantic Southeast Airlines
O voo 2254 de Atlantic Southeast Airlines era un servizo entre Muscle Shoals, Alabama e Atlanta, Xeorxia, cunha escala en Gadsden, Alabama. O día 9 de abril de 1990 o voo viuse involucrado nunha colisión no aire cunha Cessna 172 sobre Gadsden, resultando na morte do piloto e o pasaxeiros da Cessna 172.
| Voo 2254 de Atlantic Southeast Airlines | |
|---|---|
 | |
| Resumo | |
| Data | 9 de abril de 1990 |
| Causa | colisión no aire |
| Lugar | Gadsden, Alabama |
| Coordenadas | |
| Finados | 2 |
| Primeira aeronave | |
| Tipo de aeronave | Embraer 120RT Brasilia |
| Operador | Atlantic Southeast Airlines |
| Rexistro | N217AS |
| Pasaxeiros | 4 |
| Tripulación | 3 |
| Superviventes | 7 |
| Segunda aeronave | |
| Tipo de aeronave | Cessna 172 |
| Operador | Civil Air Patrol |
| Rexistro | N99501 |
| Pasaxeiros | 1 |
| Tripulación | 1 |
| Superviventes | |
Accidente
editarO voo 2254 de Atlantic Southeast Airlines,[1] operado cun Embraer EMB 120 Brasilia con rexistro N217AS,[2] de Muscle Shoals, Alabama[3] a Atlanta, Xeorxia, cunha escala no aeroporto rexional Northeast Alabama de Gadsden, Alabama, chocou no aire cunha avioneta Cessna 172 de Civil Air Patrol con rexistro N99501,[4] o 9 de abril de 1990 sobre Gadsden. Tras a saída da pista 24 do aeroporto de Northeast Alabama, o voo de ASA xirou á esquerda cara ao leste na súa ruta a Atlanta a unha altitude asignada de 5 000 pés. A Cessna 172 voaba cara ao oeste á mesma altura, encarada ao sol que se estaba poñendo. Durante a colisión frontal ás 6:05 p.m. CDT, o estabilizador horizontal dereito do Embraer foi arrincado do avión. Aínda que quedou significativamente danado, o avión de ASA puido regresar ao aeroporto sen feridos entre os seus ocupanrtes. A Cessna 172 esnafrouse nun campo, ferindo mortalmente aos seus dous ocupantes. Unha testemuña do accidente non percibiu ningunha manobra evasiva por parte dos avións antes da colisión.
Probable causa
editarA NTSB atribuíu o accidente NTSB to be “unha atención visual inadecuada dos pilotos de ámbalas dúas aeronaves que resultou na súa falta de ver e evitar o tráfico que se achegaba. Un factor relacionado co accidente foi o brillo do sol, que reduciu a visión do piloto da Cessna 172”.
Notas
editar- ↑ Daily News; Kingsport, Tennessee; Commuter Aircraft Collides with Cessna Plane, Two Dead; 11 de abril de 1990
- ↑ "FAA Registry - N217AS". registry.faa.gov. Arquivado dende o orixinal o 30 de decembro de 2018. Consultado o 2018-12-30.
- ↑ Cronan, Carl, “Engine Fails on Shoals-bound ASA flight” Times Daily (Florence, AL); 10 de maio de 1991
- ↑ "FAA Registry - N99501". registry.faa.gov. Arquivado dende o orixinal o 30 de decembro de 2018. Consultado o 2018-12-30.