Voo 204 de China Airlines

O voo 204 de China Airlines foi un Boeing 737-200 que se esnafrou contra unha montaña tras engalar do aeroporto de Hualien, en Taiwán, o día 26 de outubro de 1989. O accidente matou os 54 pasaxeiros e tripulantes a bordo do avión.

Voo 204 de China Airlines
Boeing 737 semellante ao do accidente
Resumo
Data	26 de outubro de 1989
Causa	erro do piloto
Lugar	cordilleira de Chiashan
Coordenadas
Orixe	aeroporto de Hualien
Destino	aeroporto de Taipei Sungshan
Finados	54
Aeronave
Tipo de aeronave	Boeing 737-200
Operador	China Airlines
Rexistro	B-180
Pasaxeiros	47
Tripulación	7
Superviventes	0

Avión

O aparello do accidente era un Boeing 737-209, con rexistro B-180, que voara por vez primeira o 3 de decembro de 1986 e fora entregado á aeroliña dúas semanas despois.

Accidente

O voo 204 engalou do aeroporto de Hualien nun servizo curto ata o aeroporto de Taipei Sungshan na illa de Taiwán. A bordo do Boeing 737 había 47 pasaxeiros e 7 tripulantes. Dez minutos despois da engalaxe, tras alcanzar unha altura de 7 000 pés (2 100 m) chocou contra unha montaña, parte da cordilleira de Chiashan, a 5,5 km ao norte do aeroporto. Os 54 pasaxeiros e tripulantes a bordo do avión morreron.

Causa

A causa principal do accidente foi un erro da tripulación, composta por un capitán experimentado e un copiloto novato, engalando pola pista incorrecta, xunto co control de terra, que non se decatou do erro. O avión entón realizou o procedemento de trepada para a pista correcta, facendo que o aparello fixese un xiro á esquerda cara ás montañas en vez dun xiro á dereita cara ao mar.