Voo 1951 de Turkish Airlines
O voo 1951 de Turkish Airlines era un servizo de pasaxeiros que se esnafrou durante a aterraxe no aeroporto de Ámsterdam-Schiphol o día 25 de febreiro de 2009, resultando na morte de 9 pasaxeiros e tripulantes, incluídos os tres pilotos.
| Voo 1951 de Turkish Airlines | |
|---|---|
 O avión tras o accidente
| |
| Resumo | |
| Data | 25 de febreiro de 2009 |
| Causa | altímetro defectuoso |
| Lugar | preto de Ámsterdam-Schiphol |
| Coordenadas | Coordenadas: 52°22′39″N 4°42′50″L / 52.3775, 4.714 |
| Orixe | Istambul-Atatürk |
| Destino | Ámsterdam-Schiphol |
| Finados | 9 |
| Feridos | 86 |
| Aeronave | |
| Tipo de aeronave | Boeing 737-8F2 |
| Operador | Turkish Airlines |
| Rexistro | TC-JGE |
| Pasaxeiros | 128 |
| Tripulación | 7 |
| Superviventes | 126 |
O avión, un Boeing 737-800, esnafrouse nun campo a uns 1,5 quilómetros da pista Polderbaan (18R), antes de cruzar a entrada da autoestrada A9 ás 09:26 UTC (10:26 CET), que procedía de Istanbul. O avión rompeu en tres partes no impacto. Os restos non se incendiaron.[1][2][3]
O accidente foi causado primariamente pola reacción automática do avión, que foi desencadeada por un altímetro defectuoso. Isto causou que o acelerador automático baixase a potencia dos motores ao ralentí durante a aproximación. A tripulación decatouse disto demasiado tarde para realizar as accións necesarias para incrementar o pulo e recuperar o avión antes de que entrase en perda e se esnafrase. Boeing publicou despois un boletín para lembrarlle aos pilotos de todos os 737 a importancia de monitorizar a velocidade do aire e a altitude, avisando contra o uso do piloto automático e o acelerador automático mentres se aterraba en casos nos que houbese discrepancias nos radioaltímetros.[4]
Notas editar
- ↑ "Nine killed as Turkish plane crashes near Amsterdam airport - CNN.com". edition.cnn.com. Consultado o 2019-01-25.
- ↑ "Turkish plane crash in Amsterdam" (en inglés). 2009-02-25. Consultado o 2019-01-26.
- ↑ "Turkish Airlines B738 at Amsterdam on Feb 25th 2009, landed on a field". The Aviation Herald. Consultado o 2019-01-26.
- ↑ "Boeing Warns of Possible 737 Altimeter Fault". Aviation Week. 2012-03-22. Archived from the original on 22 de marzo de 2012. Consultado o 2019-01-26.