Voo 150 de Garuda Indonesia
O voo 150 de Garuda Indonesia era un servizo regular doméstico de pasaxeiros entre o aeroporto de Kemayoran, Iacarta e o aeroporto Sultán Mahmud Badaruddin II, Palembang. O 24 de setembro de 1975 o Fokker F-28 Fellowship que operaba a ruta esnafrouse na aproximación debido ao mal tempo e á néboa a 4 quilómetros da cidade de Palembang. O accidente matou a 25 dos 61 pasaxeiros e tripulantes e a unha persoa en terra.
Voo 150 de Garuda Indonesia | |
---|---|
Fokker F-28 semellante ao accidentado
| |
Resumo | |
Data | 24 de setembro de 1975 |
Causa | mala meteoroloxía |
Lugar | preto de Palembang |
Coordenadas | |
Orixe | aeroporto de Kemayoran |
Destino | Sultán Mahmud Badaruddin II |
Finados | 26 (1 en terra) |
Feridos | 36 |
Aeronave | |
Tipo de aeronave | Fokker F-28 Fellowship |
Operador | Garuda Indonesia |
Rexistro | PK-GVC |
Pasaxeiros | 57 |
Tripulación | 4 |
Superviventes | 36 |
Avión editar
O aparello era un Fokker F-28 Fellowship, con rexistro PK-GVC, fabricado no ano 1971. O avión acumulaba máis de 1 000 horas de voo antes do accidente.
Accidente editar
O voo 150 de Garuda Indonesia Airways engalou do aeroporto de Kemayoran para un curto traxecto ata o aeroporto Sultán Mahmud Badaruddin II con 61 pasaxeiros e tripulantes a bordo. Menos dunha hora despois da engalaxe o avión foi autorizado polos controladores de tráfico aéreo en Palembang a iniciar a súa aproximación para aterrar na pista 28. Baixáronse os flaps e o tren de aterraxe cando o avión estaba preto e a néboa comezou a cubrir a cidade e o aeroporto. O voo 150 entrou na néboa dous minutos despois. A cola do aparello golpeou unhas árbores e a aeronave esnafrouse rompéndose en dúas partes. Non se produciu nungún incendio pero o choque matou a 25 persoas a bordo e a unha en terra. 36 ocupantes do avión sobreviviron e foron levados a un hospital local.[1][2]
Causa editar
A investigación do accidente atopou que a tripulación realizou un voo visual en condicións metorolóxicas baixo mínimos.[1][2] O voo 150 estaba a favor do vento cando o avión se aproximaba ao aeroporto no medio da néboa. Non se sabe porque o controlador non lles dixo aos pilotos que executasen unha aproximación frustrada ou porque os piotos non o fixeron pola súa conta.
Notas editar
- ↑ 1,0 1,1 Ranter, Harro. "ASN Aircraft accident Fokker F-28 Fellowship 1000 PK-GVC Palembang Airport (PLM)". aviation-safety.net. Arquivado dende o orixinal o 26 de decembro de 2011. Consultado o 2019-01-19.
- ↑ 2,0 2,1 "Accident details". www.planecrashinfo.com. Arquivado dende o orixinal o 29 de setembro de 2018. Consultado o 2019-01-19.