Vila do Conde

Vila do Conde
	Centro de Vila do Conde
Localización
País	Portugal
Rexión	Norte
Subrexión	Grande Porto
Distrito	Porto
Xeografía
Altitude	49 msnm
Superficie	149,31 km²
Demografía
Poboación	79 533 hab. (2011)
Densidade	496,92 hab/ km2
Xentilicio	vila-condense ou vilacondense
Outros datos
Código postal	4480
Alcalde	Mário Almeida (PS)
	www.cm-viladoconde.pt

Coordenadas: 41°9′0″N 8°36′40″O / 41.15000, -8.61111

Vila do Conde é unha cidade portuguesa no distrito do Porto, rexión Norte e subrexión do Grande Porto, con 28.636 habitantes en 2011. Pertence á Grande Área Metropolitana do Porto. Vila do Conde é sede dun municipio con 149,31 km² de área e 79.533 habitantes (en 2011), subdividido en 30 freguesías. O municipio limita ao norte co da Póvoa de Varzim, ao leste con Vila Nova de Famalicão e ao sur conr Maia e por Matosinhos, e ao oeste ten litoral no océano Atlántico.

Localizada na marxe norte da foz do río Ave, Vila do Conde é un importante centro industrial, porto de pesca e zona balnearia e turística, e configura un dos principais e máis procurados centros de balneario de Portugal. A cidade fai parte do mesmo aglomerado urbano que a Póvoa de Varzim.

Historia Editar

A rúa da Igrexa, centro histórico de Vila do Conde.

A poboación de Vila do Conde é moi antiga, anterior á fundación de Portugal, e o seu topónimo non sufriu alteracións; dende sempre foi Vila do Conde. A primeira referencia a Vila do Conde é do ano de 953 da era actual no libro da condesa Mumadona Dias, onde é referida como Villa de Comite.

Manuel I de Portugal concedeulle eido foral en 1516 e a poboación da vila participa activamente nos descubrimentos portugueses, entre eles Paulo e Francisco Faria na viaxe de Vasco da Gama á India. A praza Nova, hoxe praza Vasco da Gama, abriuse en 1538, no reinado de Xoán III de Portugal, onde se edificaron novos edificios para os pazos do Concello. No século XIX, as invasións francesas causarán grandes danos á poboación. En 1987 é elevada á categoría de cidade.

Freguesías Editar

As 30 freguesías de Vila do Conde
1. Arcos 2. Árvore 3. Aveleda 4. Azurara 5. Bagunte 6. Canidelo 7. Fajozes 8. Ferreiró 9. Fornelo 10. Gião	11. Guilhabreu 12. Junqueira 13. Labruge 14. Macieira da Maia 15. Malta 16. Mindelo 17. Modivas 18. Mosteiró 19. Outeiro Maior 20. Parada	21. Retorta 22. Rio Mau 23. Tougues 24. Touguinha 25. Touguinhó 26. Vairão 27. Vila Chã 28. Vila do Conde 29. Vilar 30. Vilar de Pinheiro