Vila Real de Santo António

Vila Real de Santo António é unha cidade portuguesa no Distrito de Faro, na rexión e subrexión do Algarve, no extremo sueste, na foz do río Guadiana. Ten cerca de 10.500 habitantes.

Vila Real de Santo António
Localización
País	Portugal
Rexión	Algarve
Subrexión	Algarve
Distrito	Faro
Xeografía
Superficie	57,53 km²
Demografía
Poboación	17.956 hab. (2001)
Densidade	hab/km²
Outros datos
www.cm-vrsa.pt

Vila Real está na marxe dereita da foz do Guadiana

Límites municipais

É sede dun pequeno municipio con 57,53 km² de área e 18.158 habitantes (2004), subdividido en 3 freguesías. É un dos poucos municipios de Portugal territorialmente descontinuos, dividíndose nunha porción occidental, a freguesía de Vila Nova de Cacela, e unha porción oriental, onde se sitúan a cidade e máis Monte Gordo. A parte oriental está limitada no norte e oeste polo municipio de Castro Marim, no leste polo Río Guadiana, que define a fronteira con España, e polo sur o litoral do Océano Atlántico; a parte occidental está limitada polo norte e leste por Castro Marim, no oeste por Tavira e no sur ten litoral co Océano Atlántico.

Freguesías

As freguesías de Vila Real de Santo António son as seguintes:

• Monte Gordo
• Vila Nova de Cacela
• Vila Real de Santo António

Breve historia

A construción de Vila Real de Santo António foi planeada no final do século XVIII por Marqués de Pombal, como garantía de poboamento xunto á fronteira española, sucedendo á antiga localidade de pescadores denominada Santo António da Arenilha. A súa planta presenta estrutura cuadrilátera regular, tal como a Baixa de Lisboa.

Patrimonio

• Igrexa de Nosa Señora da Asunción (Cacela Velha)
• Fortaleza de Cacela
• Centro histórico pombalino de Vila Real de Santo Antonio