Vicepresidencia do Goberno de Cataluña

A Vicepresidencia do Goberno de Cataluña (en catalán: Vicepresidència del govern) é un cargo da Generalitat de Cataluña creado pola lei 13/2008, de 5 de novembro. Esta lei prevé a posibilidade de nomear un vicepresidente ou unha vicepresidenta do goberno se non foi nomeado un Conseller Primer. O vicepresidente ten asignada a consellería que o presidente determine. Na actualidade é a Consellería da Vicepresidencia.

O actual vicepresidente do Goberno de Cataluña, Pere Aragonès (ERC).

O Estatuto de Autonomía de Cataluña de 2006 recolle a composición do Goberno de Cataluña coa figura dun Presidente, optativamente un Conseller Primer e o resto de consellers. O feito de non designar un Conseller Primer permite ao goberno considerar o Conseller da Vicepresidencia como o segundo cargo en importancia.

As atribucións do vicepresidente ou vicepresidenta do goberno son as que tería o Conseller Primer se fora designado, coa excepción da competencia de "desplegar as directrices xerais da acción de goberno".

Lista de vicepresidentes e vicepresidentas

Precedente histórico (1931-1932)

Lexislatura	Nome	Inicio	Fin	Partido
1931-1932	Joan Casanovas i Maristany	29 de decembro de 1931	3 de outubro de 1932	ERC

Consellers da Vicepresidencia (2006-2008)

Lexislatura	Nome	Inicio	Fin	Partido
VIII	Josep Lluís Carod-Rovira	29 de novembro de 2006	3 de decembro de 2008	ERC

Vicepresidentes do goberno (2008-actualidade)

Lexislatura	Nome	Inicio	Fin	Partido
VIII	Josep Lluís Carod-Rovira	3 de decembro de 2008	29 de decembro de 2010	ERC
IX / X	Joana Ortega i Alemany	29 de decembro de 2010	22 de xuño de 2015	UDC
X	Neus Munté i Fernández	22 de xuño de 2015	14 de xaneiro de 2016	CDC
XI	Oriol Junqueras i Vies	14 de xaneiro de 2016	27 de outubro de 2017	ERC
XII	Pere Aragonès i Garcia	29 de maio de 2018	actualidade	ERC