Verín Club de Fútbol

O Verín Club de Fútbol é o equipo de fútbol de referencia da vila ourensá de Verín. Fundado en 1971, na actualidade compite no Grupo 1 da Primeira Autonómica de Galicia, e ten uns 300 socios. Con camisola vermella e pantalón azul coma equipación, o Verín CF disputa os seus partidos coma local no estadio José Arjiz, con capacidade para uns 2000 espectadores.

Verín
Nome	Verín Club de Fútbol
Fundación	1971
Estadio	José Arjiz, Verín, Galicia
Capacidade	2.000
Presidente	José Manuel Zubiela Calderón
Adestrador	Diamantino Braz
Liga	1ª Autonómica – Grupo 4
2016–17	20º (Preferente – Grupo Sur)
Patrocinador	Denominación de Orixe Monterrei
Na rede
http://www.verincf.es/
Titular Alternativo

Escudo

No escudo do Verín CF ocupa un lugar predominante a imaxe do castelo de Monterrei, por riba dunha banda azul, que representa o Támega, río que baña a vila de Verín. No interior da banda azul, un balón de fútbol. No ano 2012 o escudo cambiou a un deseño máis moderno e colorido.

Uniforme

O Verín CF viste camisola vermella, pantalón azul e medias vermellas. O segunda equipamento consta de camisola azul, pantalón branco e medias azuis.

Estadio

O Verín CF xoga os seus partidos coma local no estadio José Arjiz, inaugurado en 1971, con capacidade para 2000 espectadores. O estadio, situado na estrada de Laza, está ao pé do castelo de Monterrei.

Historia

Antes da guerra civil española existiu na vila o Racing Club Verín, e despois da contenda bélica Juan Reigada fundou un novo club, o CD Verín, que xogaba no antigo campo do Toral. De alí trasladouse a actividade futbolística ás instalacións da Granxa.

En 1971 botou a andar o actual Verín CF, que a partir de 1976 pasou a ter como campo de xogo o José Arjiz. Nese mesmo ano, 1976, o Verín CF proclamouse 'campión galego de afeccionados tras superar na final o CCDR Perlío, de Fene, logrando o pase ao Campionato de España, onde caeu eliminado (perdendo por 0-1 na casa e por 5-0 fóra), ante o C.D. Ensidesa de Avilés na primeira rolda. En 1981 ascende por primeira vez á terceira división, categoría en que sumou dez campañas. Tras unha involución a principios dos 90 que mergullou o equipo na segunda rexional, entre 1997 e 2007 o Verín CF desfrutou dos seus mellores anos. Na 2003/04 quedou no 4º lugar da terceira división e conseguiu meterse na fase de ascenso á Segunda División B, sendo eliminado na primeira rolda.

Nos anos seguintes o Verín CF cabalgou entre Terceira e Preferente Autonómica, ata consumar o descenso á categoría provincial en xuño de 2013.

Temporadas disputadas nas distintas categorías

• Terceira División 10.
• División Preferente Autonómica: 16.
• División Primera Autonómica: 17.

Tempada Categoría Posto Outras competicións 1971-72 Primeira División do Campionato Comarcal de Ourense 4º 1972-73 Primeira División do Campionato Comarcal de Ourense 1º 2ª eliminatoria da promoción de ascenso a serie A Rexional 1973-74 Primeira División do Campionato Comarcal de Ourense 2º 1974-75 Primeira División do Campionato Comarcal de Ourense 1º 1ª eliminatoria na fase de ascenso á Serie A Rexional 1975-76 Primeira División do Campionato Comarcal de Ourense 3º Campión galego de afeccionados 1ª rolda do Campionato de España de Afeccionados 1976-77 Primeira División do Campionato Comarcal de Ourense 2º Semifinais do Campionato Galego de Afecionados 1977-78 Primeira División do Campionato Comarcal de Ourense ? Semifinais do Campionato Galego de Afeccionados 1978-79 Primeira Autonómica 3º 1979-80 Primeira Autonómica 6º (ascenso por remodelación de divisións superiores) 1980-81 Preferente Autonómica Sur 3º (ascenso por remodelación de divisións superiores) 1981-82 Terceira División 20º 1982/83 Preferente Autonómica Sur 3º 1983/84 Preferente Autonómica Sur 3º 1984/85 Preferente Autonómica Sur 9º 1985/86 Preferente Autonómica Sur 5º 1986/87 Preferente Autonómica Sur 13º 1987/88 Preferente Autonómica Sur 12º 1988/89 Preferente Autonómica Sur 17º 1989/90 Preferente Autonómica Sur 22º 1990/91 Primeira Autonómica 13º 1991/92 Primeira Autonómica 20º 1992/93 Segunda Autonómica 1º 1993/94 Primeira Autonómica 6º 1994/95 Primeira Autonómica 3º 1995/96 Primeira Autonómica 5º 1996/97 Primeira Autonómica 5º 1997/98 Primeira Autonómica 2º 1998/99 Preferente Autonómica Sur 10º 1999-2000 2º (ascenso ó quedar praza libre) 2000/01 Terceira División 9º 2001/02 Terceira División 8º 2002/03 Terceira División 10º 2003/04 Terceira División 4º. 1ª rolda da Fase de Ascenso a 2ª división B 2004/05 Terceira División 20º 2005/06 Preferente Autonómica Sur 11º Finalista da Copa Deputación 2006/07 Preferente Autonómica Sur 2º (ascenso ó quedar praza libre) Campión da Copa Deputación. 2007/08 Terceira División 12º 2008/09 Terceira División 14º 2009/10 Terceira División 19º 2010/11 Preferente Autonómica Sur 4º (play-off de ascenso) Campión da Copa Deputación 2011/12 Preferente Autonómica Sur 12º 2012/13 Preferente Autonómica Sur 18º Semifinais Copa Deputación 2013/14 Primeira Autonómica 2º Finalista Copa Deputación 2014/15 Preferente Autonómica Sur 2º 2015/16 Terceira División 20º 2016/17 Preferente Galicia Sur 2017/18 2018/19 2019/20 2020/21 2021/22 Notas Véxase tamén Bibliografía Dasairas, X. (1990). 70 anos de fútbol en Verín. Autoedición.  Ligazóns externas Web oficial. Páxina de Facebook.