Valeriano Martínez
Valeriano Martínez García, nado en Aldán (Cangas) en 1961 e finado en San Caetano (Santiago de Compostela) o 6 de outubro de 2021,[1] chamado tamén Tito Martínez[2], foi un economista, funcionario e político galego que chegou a ser conselleiro de Facenda da Xunta de Galicia.
  | |
| Biografía | |
|---|---|
| Nacemento | 1961 Aldán, España |
| Morte | 6 de outubro de 2021 (59/60 anos) Edificio Administrativo de San Caetano, España |
| Causa da morte | Morte natural (Parada cardiorrespiratoria ) |
| Datos persoais | |
| País de nacionalidade | España |
| Educación | Universidade de Santiago de Compostela |
| Actividade | |
| Ocupación | economista , político , funcionario |
| Empregador | Xunta de Galicia |
| Partido político | Partido Popular de Galicia |
| Lingua | Lingua galega |
Traxectoria editar
Licenciouse en Económicas e Empresariais pola Universidade de Santiago de Compostela e diplomouse en Xestión de Xerencia Hospitalaria pola Escola de Alta Dirección e Administración. En 1985 aprobou as oposicións para ser funcionario do corpo superior de administración xeral da Consellería de Facenda.
Na administración autonómica foi primeiro director xeral de Recursos Humanos do Sergas (1996-2002), e despois director xeral de Transporte ás ordes directas de Núñez Feijoo a partir de 2003. Cando logo das eleccións de 2005 o PP perde o goberno, é nomeado auditor do Consello de Contas de Galicia, ata que coa vitoria de Núñez Feijoo en 2009 é nomeado secretario xeral da presidencia da Xunta.
O 9 de febreiro de 2015 foi designado para ocupar o cargo de conselleiro de Facenda do goberno galego[3], baixo a presidencia de Alberte Núñez Feijoo. Uns meses despois concorreu nas listas do PPdeG e foi elixido deputado no Parlamento de Galicia nas autonómicas de 2016.
En xaneiro de 2017 renunciou ao cargo de deputado no Parlamento de Galicia[4] para darlle entrada a outras persoas no hemiciclo do Hórreo. Volveu ser elixido nos comicios de 2020 como deputado e en setembro de 2021 de novo volveu deixar o escano a canda moitos dos outros deputados que tamén eran conselleiros.[5]
O 6 de outubro de 2021 faleceu dun infarto mentres traballaba no edificio administrativo da Xunta de Galicia en San Caetano.[2] Na súa lembranza colocouse unha placa nos xardíns deste complexo.[6]
| Predecesor: Helena Muñoz Fonteriz |
 Conselleiro de Facenda 2015 - 2021 |
Sucesor: Miguel Corgos |
Vida persoal editar
Casara e tivo un fillo. Viviu as últimas décadas da súa vida en Bueu[2].
Notas editar
- ↑ Redacción (6 de outubro de 2021). "Pesar polo falecemento do conselleiro de Facenda, Valeriano Martínez, aos 60 anos de idade". nosdiario.gal. Consultado o 8 de outubro de 2021.
- ↑ 2,0 2,1 2,2 S, R. (2021-10-06). "Muere Valeriano Martínez, conselleiro de Facenda". Faro de Vigo (en castelán). Consultado o 2021-10-06.
- ↑ Román Rodríguez y Valeriano Martínez, nuevos conselleiros, nova aparecida no diario El País o 9 de febreiro de 2015. (en castelán)
- ↑ AMP.- Renuncian á súa acta de deputado os conselleiros de Facenda, Infraestruturas, Cultura, Sanidade e Medio Rural
- ↑ "Feijóo hace renunciar al escaño del Parlamento de Galicia a 7 de sus conselleiros". La Región (en castelán). 2021-09-15. Consultado o 2021-09-15.
- ↑ "Derradeira homenaxe a Valeriano Martínez en San Caetano". G24. Consultado o 2021-12-16.
Véxase tamén editar
Wikimedia Commons ten máis contidos multimedia na categoría: Valeriano Martínez  |