Valeriano Domínguez Bécquer

Valeriano Domínguez Bécquer, nado en Sevilla o 15 de decembro de 1833 e finado en Madrid o 23 de setembro de 1870, foi un pintor español.

Valeriano Domínguez Bécquer

Biografía
Nacemento	(es) Valeriano Domínguez Bastida 15 de decembro de 1833 Sevilla, España
Morte	23 de setembro de 1870 (36 anos) Madrid, España
Lugar de sepultura	Sacramental de San Lorenzo y San José
Outros nomes	Valeriano Bécquer
Actividade
Ocupación	pintor
Xénero artístico	Retrato
Familia
Pai	José Domínguez Bécquer
Irmáns	Gustavo Adolfo Bécquer
Descrito pola fonte	Galería biográfica de artistas españoles del siglo XIX (1868-1869) (pt) , (vol:1, p.176-177)

Pintura de Valeriano Bécquer representando a dinastía borbónica co corpo en porrancho. Embaixo da pintura, pódese ler un soneto a cargo do seu irmán Gustavo Adolfo

Traxectoria

Era fillo do pintor José Domínguez Bécquer, sobriño do tamén pintor Joaquín Domínguez Bécquer e irmán do poeta Gustavo Adolfo Bécquer. Iniciouse na pintura da man de seu pai, aínda que tamén tivo como mestre a Antonio Cabral Bejarano. Trasladado a Madrid, foi seu irmán quen lle abriu as portas dos ambientes artísticos da capital española.

En 1864 recibiu do Goberno da Nación o encargo dunha serie de pinturas que reflectisen as festas populares, os costumes e os traxes típicos das distintas rexións españolas e que deron lugar a obras como "O baile", "Festa popular do Moncaio (Aragón)" ou "Costumes españois da provincia de Soria". Con todo un cambio do Goberno supuxo para o pintor abandonar o traballo ao ver suspendida a bolsa que tiña concedida para a súa realización.

Traballou como debuxante e ilustrador de importantes publicacións como La Ilustración Española y Americana, El Museo Universal e El Arte en España.

Véxase tamén

Ligazóns externas

• Valeriano Domínguez Bécquer - Biografía e galería de obras (en castelán)