Universidade de Berna
A Universidade de Berna é unha universidade que se atopa na capital de Suíza, Berna, fundada en 1834. Por estar localizada na rexión de lingua alemá do país, o seu nome oficial é Universität Bern, aínda que sexa frecuentemente designada polo seu nome francés, Université de Berne.
| Universidade de Berna | |
|---|---|
 Universidade de Berna | |
| Datos xerais | |
| Localización | Berna |
| Datos actuais | |
| Reitor | Christian Leumann |
| Alumnos | 17 514 (matriculación feminina: 56%; matriculación internacional: 13%) (2016)[1] |
| Datos de contacto | |
| Enderezo | Universität Bern, CH-3012 Berna |
| Páxina web | unibe.ch |
  | |
| [ editar datos en Wikidata ] | |
A universidade é regulamentada e financiada polo Cantón de Berna. Entre algúns dos seus exalumnos máis salientables están o teólogo suízo Karl Barth e o filósofo alemán Walter Benjamin.
Reputación editar
A clasificación mundial de universidades de 2006 do Times Higher Education Supplement (THES), suplemento de educación do xornal inglés The Times, clasifica a Universidade de Berna como:
- 7ª en Suíza
- 214ª no mundo
Na Clasificación Académica das Universidades do Mundo (ARWU) de 2006, a Universidade de Berna foi, de acordo co sistema de clasificación:
- 6ª en Suíza
- 57ª-80ª na Europa
- 151ª-202ª no mundo
Departamentos editar
A universidade ten arredor de 13.000 estudantes, inscritos en oito facultades distintas:
- Teoloxía cristiá: Denominación reformada e antiga denominación católica
- Dereito
- Medicina
- Medicina veterinaria
- Economía e estudos sociais
- Estudos filosófico-históricos
- Estudos filosófico-científicos
- Estudos filosófico-humanísticos
A Facultade Filosófico-Histórica é semellante a un departamento de Artes e Ciencias das universidades norteamericanas, con diplomas (Hauptfächer) nunha gran variedade de asuntos. A Facultade Filosófica-Científica restrínxese a ciencias como a Química e a Física. A Facultade Filosófica-Humanística foi fundada en 2005, e ofrece estudos nos campos da Pedagoxía, Educación Física e Psicoloxía. O departamento de Teoloxía Católica Antiga, na Facultade de Teoloxía, é o único lugar no mundo en estudar a teoloxía nesta denominación.
Notas editar
- ↑ "Annual Report - University of Bern". unibe.ch. Arquivado dende o orixinal o 14 de outubro de 2017. Consultado o 4 de marzo de 2017.
Véxase tamén editar
Ligazóns externas editar
- Páxina oficial (en alemán)