Unión Demócrata Cristiá de Alemaña

A Unión Demócrata Cristiá de Alemaña (CDU - Christlich Demokratische Union Deutschlands) é un partido político de centro-dereita de Alemaña que se fundou en 1945, é membro da Unión Demócrata Internacional. A CDU non opera en Baviera, aínda que mantén acordos de colaboración coa Unión Social Cristiá en Baviera e no Bundestag os dous partidos forman un único grupo. Dende a formación da República Federal Alemá, a CDU formou parte da maioría dos executivos federais e os chanceleres como seus como Konrad Adenauer, Helmut Kohl ou Angela Merkel foron militantes democristiáns.

Logo do Unión Demócrata Cristiá de Alemaña

En 2020, a CDU sumaba 399 110 afiliados.[1] Ademais, nas eleccións federais de 2021 logrou 152 deputados no Bundestag (sobre 736),[2] e, en xaneiro de 2022, integra en solitario ou en coalición 9 dos 16 gobernos dos estados federados (länder).

HistoriaEditar

A CDU fundáronna despois da Segunda Guerra Mundial militantes e dirixentes do antigo partido católico, Zentrum, pero tamén participaron na súa fundación políticos protestantes procedentes doutros partidos ou sen afiliación anterior. O seu primeiro líder foi Konrad Adenauer, o primeiro chanceler da República Federal de Alemaña, que tivo ao CDU como o principal partido ata que a partir de 1966 entrou en crise, aínda que se mantivo no poder ata 1969 grazas a unha coalición co Partido Socialdemócrata de Alemaña cun chanceler da CDU.
En 1982 a CDU volveu ao poder ao pactar coa FDP. En 1983 baixo o liderato de Helmut Kohl gañou as eleccións e converteuse no novo chanceler da RFA. Kohl foi o gran valedor da reunificación das dúas alemañas tras a caída do Muro en 1989, que se produciu finalmente o 3 de outubro de 1990. A CDU gañou as eleccións da nova Alemaña unificada pero perdeu moito da súa popularidade pola recesión económica na antiga RDA e o aumento dos impostos no oeste, aínda así gañou tamén as eleccións de 1994.
Helmut Kohl foi o líder do partido ata a desfeita electoral de 1998, sucedeuno Wolfgang Schäuble, quen como consecuencia dun escándalo sobre o financiamento do partido dimitiu no ano 2000, substituíndoo Angela Merkel.

LíderesEditar

NotasEditar

  1. "Parteimitglieder: Grüne legen zu, AfD und SPD verlieren". www.rnd.de (en alemán). Consultado o 2022-01-23. 
  2. "Wahl zum 20. Deutschen Bundestag am 26. September 2021". www.election.de. Consultado o 2022-01-23.