Ukrayinski sheryfy
Ukrayinski sheryfy (en ucraíno: Українські шерифи) é un filme documental ucraíno de 2015 dirixido e escrito por Roman Bondarchuk.[1][2] Foi escollido como candidato de Ucraína para o Óscar ó mellor filme internacional na 89ª edición dos premios, mais finalmente non foi nomeado.[3][4][5]
| Ukrayinski sheryfy | |
|---|---|
| Ficha técnica | |
| Título orixinal | Українські шерифи |
| Director | Roman Bondarchuk |
| Produtor | Daryna Averchenko Uldis Sekulis |
| Guión | Roman Bondarchuk |
| Música | Anton Baibakov |
| Montaxe | Roman Bondarchuk Katerina Gornostay Boris Peter |
| Estrea | Festival Internacional de Cinema Documental de Ámsterdam: 25 de novembro de 2015 |
| Duración | 88 minutos |
| Orixe |  Ucraína Alemaña Letonia |
| Xénero | Documental |
| Na rede | |
| http://project20406.tilda.ws | |
   | |
Sinopse editar
Debido á falta de presenza policial na aldea ucraína de Stara Zburyivka, o alcalde Viktor Marunyak asigna a tarefa de protexer a paz a dous veciños, Viktor Kryvoborodko, de 50 anos, e Volodymyr Rudkovsky, de 44. O traballo de Kryvoborodko e Rudkovsky combina as funcións dos policías e dos traballadores sociais, xa que se encargan de mediar as disputas, pero non de investigar os delitos penais. O comezo da guerra ruso-ucraína en 2014 cambia a súa rutina xa que a política divide a aldea e os dous policías encárganse de apoiar o esforzo bélico ucraíno.
Produción editar
Ukrayinski sheryfy foi filmada durante catro anos,[6] para un total de case 200 horas de metraxe. A primeira edición do filme tiña cinco horas de duración e mantívose en máis de dúas horas até a súa sexta edición.[7]
Distribución editar
Ukrayinski sheryfy comezou a súa distribución en toda Europa en febreiro de 2016.[8] A estrea do filme na televisión alemá tivo lugar o 4 de abril de 2016 na canle franco-alemá Arte.[9] A distribución do filme en Ucraína comezou en xullo de 2016 e despois nos países bálticos e os Balcáns en setembro.[8]
Notas editar
- ↑ "'Ukrainian Sheriffs': IDFA Review". 7 de dezembro de 2015. Consultado o 31 de agosto de 2016.
- ↑ "Обрано три фільми-кандидати на "Оскар" від України" (en Ukrainian). 31 de agosto de 2016. Consultado o 31 de agosto de 2016.
- ↑ "На "Оскар" від України номінували фільм "Українські шерифи"" (en ucreíno). 9 de setembro de 2016. Consultado o 9 de setembro de 2016.
- ↑ "Ukraine selects its candidate for foreign-language Oscar". 9 de setembro de 2016. Consultado o 9 de setembro de 2016.
- ↑ "Oscars: Ukraine Selects 'Ukrainian Sheriffs' for Foreign-Language Category". 9 de setembro de 2016. Consultado o 9 de setembro de 2016.
- ↑ Oliynyk, Eugenia (11 de decembro de 2015). ""Українські шерифи": фільм про сільських волонтерів, які "замінили" міліцію" ["Ukrainian Sheriffs": a film about village volunteers who "replaced" the police]. Radio Liberty (en ucraíno). Arquivado dende o orixinal o 7 de maio de 2016. Consultado o 7 de maio de 2016.
- ↑ "Kill Your Darlings: Ukrainian Sheriffs". Festival Internacional de Cinema Documental de Ámsterdam. 17 de novembro de 2015. Arquivado dende o orixinal o 18 de abril de 2021. Consultado o 25 de febreiro de 2021.
- ↑ 8,0 8,1 Broeren-Huitenga, Joost (2 de outubro de 2017). "Bringing it Home: Sara Božanic about the innovative distribution of Ukrainian Sheriffs". Festival Internacional de Cinema Documental de Ámsterdam. Consultado o 25 de febreiro de 2021.
- ↑ "Ukrainische Sheriffs" (en alemán). ARD. 1 de abril de 2016. Consultado o 25 de febreiro de 2021.