Twee pop

O twee pop é un subxénero do indie pop que se orixinou a partir do recompilatorio de 1986 da revista NME compilation C86. Caracterizado pola súa sinxeleza e inocencia percibida, algúns dos trazos que o definen son harmonías rapaz-rapaza, melodías pegadizas e letras sobre amor. Durante moitos anos os selos discográficos independentes máis asociados co twee pop foron Sarah Records (no Reino Unido) e K Records (nos Estados Unidos).

Twee pop
Orixe musical	indie pop, post-punk, pop, pop rock, girl groups
Orixe cultural	ao redor de 1986 no Reino Unido

Características

A definición de twee é algo "excesivamente ou afectosamante pintoresco, bonito, ou sentimental", supostamente nada dunha mala pronunciación infantil da palabra "sweet" (doce). Mentres que os termos "twee" ou "twee pop" son considerados pexorativos no Reino Unido, unha fascinación retrospectiva co xénero nos Estados Unidos viu aos estadounidenses defendéndose ansiosamente a eles mesmos como twee. Segundo Paula Mejia de The A.V. Club:

A diferenza entre “twee” e “indie pop” é leve pero polarizante. Ámbolos dous estilos de música transcenderon o xénero, convertéronse nun estilo de vida de comercio de cintas, e tiveron influencias semellantes, sacadas das estruturas minimalistas de tres acordes dos Ramones e das harmonías pop picantes de The Jesus and Mary Chain. Todos varían lixeiramente nas súas orixes ...O propio twee comezou como unha vasta colección de sons, reunindo os fíos onde as luminarias se quedaron, e creando avenidas diverxentes ao seu paso.

AllMusic di que o twee pop é "quizais máis parecido ao bubblegum indie rock - é música cun espírito de desafío DIY na gran tradición do punk, pero cunha simplicidade e inocencia non vista ou escoitada dende os primeiros días do rock & roll". O autor Marc Spitz suxire que as raíces do twee proceden da música de posguerra dos anos 50. Se ben a cultura categorizouse a si mesma co nome de "indie", moitos dos principais puntais do twee conseguiron a aclamación crítica do mainstream polas súas contribucións ao movemento twee.

Movementos relacionados

O cuddlecore é un movemento que xurdiu como consecuencia do twee pop e que foi brevemente prominente a mediados dos anos 90. Esta etiqueta describe un estilo marcado polas harmonías vocais e as melodías pop sobre un acompañamento musical de estilo punk. As bandas de cuddlecore foron normalmente, aínda que non sempre, bandas de mulleres e representaban esencialmente unha variación máis orientada cara ao pop da escena riot grrrl contemporánea.