Tristan Tzara

Tristan Tzara
Nome completo	Samuel Rosenstock
Nacemento	16 de abril de 1896 e 4 de abril de 1896
Lugar de nacemento	Moinești
Falecemento	25 de decembro de 1963 e 24 de decembro de 1963
Lugar de falecemento	VII Distrito de París
Soterrado	Cemiterio de Montparnasse
Nacionalidade	Romanía e Francia
Etnia	Romanian Jews
Ocupación	coleccionista de arte, poeta, escritor, diplomático, director de cinema, tradutor, dramaturgo, ensaísta, compositor, artista de performance, crítico literario, membro da resistencia francesa, debuxante, fotógrafo e activista
Cónxuxe	Greta Knutson-Tzara
Fillos	Christophe Tzara
Coñecido por	Handkerchief of Clouds
Na rede
	[ editar datos en Wikidata ]
	v; c; e;

Samuel Rosenstock, nado en Moineşti o 16 de abril de 1896 e finado en París o 25 de decembro de 1963, foi un escritor francés de orixe romanesa, máis coñecido polo pseudónimo de Tristan Tzara.

Traxectoria Editar

Residiu case toda a vida en Francia. Foi un dos autores máis importantes do movemento Dada, que fundou xunto con Hans Arp e Hugo Ball, unha corrente revolucionaria na literatura que anticipou as actitudes do surrealismo.

O movemento dadaísta orixinouse en Zürich, durante a I Guerra Mundial. Tzara escribiu os primeiros textos Dada — La Première Aventure céleste de Monsieur Antipyrine ("A primeira aventura celeste do señor Antipyrine", 1916) e Vingt-cinq poèmes (1918), así como os manifestos do movemento: Sept manifestes Dada ("Sete manifestos Dadá", 1924). En París organizou, cos seus compañeiros de movemento, espectáculos na rúa cheos de absurdismo para "épater le bourgeois" (escandalizar a burguesía) e deulle un poderoso impulso á escena dadaísta.

A finais de 1929 embarcouse no daquela recentemente inaugurado movemento surrealista de André Breton, Louis Aragon e outros autores. Dedicou gran esforzosa intentar conciliar as doutrinas filosóficas nihilistas e sofisticadas do movemento coa súa propia afiliación marxista. Participou activamente no desenvolvemento dos métodos de escritura automática, entre eles o collage e o cadáver exquisito. Desa época data o seu libro L'Homme approximatif ("O home aproximado", 1931).

Durante a segunda guerra mundial incorporouse á resistencia francesa. Tras obter a cidadanía en 1947, afiliouse ao Partido Comunista Francés. A súa militancia estenderíase ata 1956, cando, tras a invasión de Hungría polas tropas sovéticas para apagar a revolta popular, apartouse do partido. A súa obra da época é complexa, aínda que máis convencional que na súa xuventude. Nela salientan Parler seul ("Falar só", 1950) e La face intérieure ("A face interior", 1953).

Morreu en decembro de 1963 en París e foi enterrado no cemiterio de Montparnasse.

Obras Editar

La première aventure céléste de Mr Antipyrine (A primeira aventura celeste do Sr. Antipyrine), 1916
Vingt-cinq poèmes, 1918
Primeiro manifesto dadá, 1918
"Anthologie Dada" (15 de maio de 1919) Dada (4/5)^[1]
Cinéma calendrier du coeur abstrait (Cinema calendario do corazón abstraído), 1920
Sept manifestes dada (Sete manifestos dadá), 1924
De nos oiseaux, Poèmes (Sobre os nosos paxaros), 1929
L'homme approximatif (O home aproximado), 1931
Où boivent les loups (Onde beben os lobos), 1933
Midis gagnés: poèmes (Mediodías gañados), 1939
Le Surréalisme et l’Après-guerre, 1947
Entre-temps, 1946
La fuite : poème dramatique en quatre actes et un épilogue, 1947
Le Fruit permis: poèmes, 1947
Parler seul (Falar só), 1950
La face intérieure (A face interior), 1953
La Rose et le chien (A rosa e o can), 1958

Notas Editar

↑ Sanouillet, Michel (2005). "Bibliographie". Dada à Paris. CNRS. pp. 574–629. ISBN 9782271091277. doi:10.4000/books.editionscnrs.8835.

Este artigo sobre literatura é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír.

[1] Sanouillet, Michel (2005). "Bibliographie". Dada à Paris. CNRS. pp. 574–629. ISBN 9782271091277. doi:10.4000/books.editionscnrs.8835.

[1]