Tristão da Cunha

Tristão da Cunha, nado ca. 1460 e finado ca. 1540, 1.º Señor de Gestaçô e Panóias, foi cabaleiro do consello do rei Manuel I, explorador portugués e comandante naval. Tamén transcrito como Tristan da Cunha[1]. Foi nomeado, en 1504, primeiro vicerrei e gobernador da India portuguesa, pero non ocupou o cargo por motivos de cegueira temporal, ocupado por D. Francisco de Almeida.

Tristão da Cunha
Hanno.cunha.jpg
Nacemento1460
Lugar de nacementoLisboa
Falecemento1540
Lugar de falecementoReino de Portugal
NacionalidadePortugal Português
Ocupaciónexplorador e diplomático
PaiNuno da Cunha, o Velho
FillosNuno da Cunha
editar datos en Wikidata ]

BiografíaEditar

En 1506, foi nomeado comandante da frota de 10 buques de carga, baixo a cal seguiu o 2º Gobernador da India, Afonso de Albuquerque, curmán segundo seu, que estaba á fronte dun escuadrón doutros catro barcos[2] operando ao longo da costa oriental de África e nas Indias.

Nesta viaxe Tristão da Cunha descubriu un grupo de illas remotas no sur do océano Atlántico, a 2816 km de Suráfrica. A pesar de que o mar revolto impediu o desembarco, bautizou co seu nome a illa principal que permanece até hoxe, no arquipélago de Tristan da Cunha.

Máis tarde desembarcou en Madagascar. No estreito de Mozambique, axudou o seu amigo o galego João da Nova e recuperou o barco Frol de la Mar, uníndoos á súa frota, en Brava reduciu o poder árabe, Barawa e conquistou Socotra con Afonso de Albuquerque, iniciando a construción dunha fortaleza. Chegado á India en agosto de 1507, distinguiuse en varias accións, como o apoio decisivo no asedio de Cananor, e prestou asistencia ao vicerrei D. Francisco de Almeida derrotando a frota do Samorim de Calcuta en novembro, tras o cal volveu ao reino coa frota cargada.

Embaixada ante o Papa León XEditar

 
Elefante Hanno e o seu mahout. Caneta e tinta, Museo das Belas Artes de Angers.

En 1514 foi enviado a Roma como embaixador ante o papa León X, con Garcia de Resende como o seu secretario.[3] A suntuosa embaixada que comandaba, acompañado de Diogo Pacheco e João de Faria, percorreu as rúas da cidade nunha procesión extravagante, o 12 de marzo de 1514, onde se podían ver animais salvaxes das colonias e riquezas das Indias.[4] A procesión trouxo un elefante de agasallo ao papa, ao que chamou Hanno), que durante case 3 anos foi a súa mascota. Tamén había dous leopardos, unha pantera, algúns papagaios, pavos raros e cabalos indios. Hanno levaba ao lombo un estrado de prata, con forma de castelo, que contiña unha caixa forte cos agasallos reais, incluíndo vestimentas bordadas con perlas e pedras preciosas, e moedas de ouro acuñadas para a ocasión.

O Papa recibiu a procesión no Castelo de Sant'Angelo. O elefante axeonllouse tres veces en reverencia e despois, obedecendo un aceno do seu mahout (adestrador), sacou auga dun balde coa súa trompa e salpicouna sobre a multitude e os cardeais.

Para a mesma ocasión viría un rinoceronte, que foi retratado por Albrecht Dürer nunha famosísima xilografía. A pesar de nunca o ter visto, o artista baseárase nunha descrición extremamente precisa do animal. O barco co rinoceronte naufragou ao mesmo tempo que Hanno chegaba de Lisboa.

Datos xenealóxicosEditar

O sepulcro de Tristão da Cunha atópase no convento de Nossa Senhora da Encarnação do século XVII en Olhalvo (concello de Alenquer).

Era fillo de Nuno da Cunha o «Vello» e da súa muller Catarina de Albuquerque, sobriña de Lopo Soares de Albergaría, 3º Gobernador da India.

Casou con dona Antónia Pais, filla de Pêro Gonçalves, secretario de D. Afonso V e da súa muller Leonor Pais[5]. O seu fillo Nuno da Cunha, foi gobernador da India en 1529 e outro fillo, Simão da Cunha, foi Comandante de Torres Vedras.

NotasEditar

  1. Forma que emprega, entre outras obras, a Enciclopedia Galega Universal, coincidente con Tristam da Cunha que se empregou en documentos portugueses ao longo do século XVI
  2. The Cambridge History of India: British India, 1497-1858, p.9, ed. by H. H. Dodwell, Edward James Rapson, Wolseley Haig, Richard Burn, Henry Dodwell
  3. Sanjay Subrahmanyam, "The Career and Legend of Vasco Da Gama", p. 269, Cambridge University Press, 1998 ISBN 0521646294
  4. Jorge Nascimento Rodrigues, Tessaleno C. Devezas, "PIONEERS OF GLOBALIZATION: Why the Portuguese surprised the World", p.113, Centro Atlantico, 2007, ISBN 9896150567
  5. Nuno da Cunha e os capitães da Índia (1529-1538) – Parte I: O governador, por Andreia Martins de Carvalho, Dissertação de Mestrado em História dos Descobrimentos e da Expansão Portuguesa (séculos XV-XVIII), Universidade Nova de Lisboa,2006, páx. 27

Véxase taménEditar

Outros artigosEditar