Tricocito (algas)

Para outras páxinas con títulos homónimos véxase: Tricocito e tricocito (mamíferos).

Non confundir con Tricociste.

Os tricocitos en algas son células que crecen na parte exterior da estrutura talofítica, a partir das cales crecen pelos. Son frecuentes nalgunhas algas coralinas. En algas como Jania adherens os tricocitos crecen principalmente no verán e o seu crecemento depende da temperatura da auga e das horas de luz diúrna.

Nas algas coralinas os tricocitos orixínanse en meristemos do talo nos cales unha célula se divide en dúas células que non se calcifican e orixinan pelos non calcificados que sobresaen da superficie da alga co núcleo na base e un gran vacúolo. Na maioría das especies estes pelos múrchanse rapidamente. J. Cabioch distingue tres tipos de tricocitos nestas algas: (1) simples, como en Fosliella, na que o tricocito permanece aínda que caia o pelo ; (2) complexos, como en Jania rubens e Metagoniolithon radiatum, nos que o pelo se murcha e o tricocito desaparece, e (3) máis complexos, como en Neogoniolithon notarisii e Parolithon oncodes, nos que os tricocitos se murchan, pero transfórmanse nas chamadas megacélulas, que persisten certo tempo pero non teñen pelos.

Notas

---

Este artigo sobre bioloxía é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---