Traumatismo físico
Un traumatismo é unha situación con dano físico ó corpo causado por unha forza externa.[1] O traumatismo pode deberse a accidentes, caídas, golpes, armas e outras causas.[1] En medicina, porén, identifícase polo xeral como paciente traumatizado a alguén que sufriu feridas serias que pon en risco a súa vida e que poden resultar en complicacións secundarias tales como shock, paro respiratorio e morte.[2]
| Traumatismo físico | |
|---|---|
| Clasificación e recursos externos | |
 O xeonllo dunha persoa é examinado coa axuda dunha radiografía despois dun traumatismo. | |
| ICD-10 | S00{{{2}}}-T88{{{2}}} |
| ICD-9 | 800-999 |
 Se cre que pode requirir tratamento, por favor, consúltello ao médico. | |
En 2013, 4,8 millóns de persoas en todo o mundo morreron por mor dun traumatismos, en comparanza dos 4,3 millóns do ano 1990.[3] Máis do 30% desas mortes foron provocadas por lesións relacionadas con medios de transporte.[3] En 2013, 367 000 nenos menores de cinco anos morreron por traumatismos, supoñendo unha mellora respecto da cifra de 1990 que roldaba as 766 000 persoas.[3]
Traumatismo nos tecidos brandos editar
Considérase unha ferida a perda de continuidade da pel ou das mucosas como consecuencia dun traumatismo, provocando a comunicación do interior do corpo co exterior.
As feridas pódense clasificar segundo o axente que as provoca en incisas, punzantes, contusas, con perda de substancia, por racho e especiais; e segundo o factor de gravidade pola profundidade, localización, extensión, sucias e/ou con corpos estraños no seu interior, con hemorraxia e as non tratadas.
Traumatismos dentais editar
Son lesións que se producen nos dentes, óso e demais tecidos de sostén, como consecuencia dun impacto físico contra os mesmos; a conservación dos tecidos dentarios constitúe o obxectivo primordial neste caso. Unha seria ameaza a este obxectivo significa a frecuencia cada vez maior de nenos, adolescentes afectados que chega a constituír un problema estomatolóxico común que sempre debe ser considerado como unha situación de urxencia a diagnosticar e tratar de inmediato, de forma rápida e certeira polo odontólogo.[4]
Traumatismo nas extremidades editar
Como consecuencia da aplicación dunha forza sobre o esqueleto, de forma directa ou indirecta, pódese producir unha lesión nos sistemas ósteo-articulares ou no muscular. Un traumatismo nas extremidades poucas veces orixina unha situación de risco vital pero, dependendo do seu primeiro tratamento, pode ocasionar discapacidades máis ou menos importantes. Para o diagnóstico hai que recorrer normalmente a radiografías, resonancia magnética nuclear, artroscopias e artrocentese.
Traumatismo no cranio e cara editar
Os traumatismos no cranio e na cara son especialmente importantes, xa que a intensidade do golpe pode afectar o sistema nervioso central (SNC), localizado dentro da cavidade cranial. Así, despois dun traumatismo cranial, podémonos atopar ante unha ferida sinxela da cabeza ou a cara, unha fractura cranial, signos de afectación cerebral ou varias delas conxuntamente.
O risco máis importante é a afectación do sistema nervioso central, provocando unha destrución das neuronas cerebrais con secuelas permanentes ou que poden causar a morte do accidentado. Sempre que nos atopemos ante un traumatismo cranial debemos sospeitar a posibilidade dunha lesión na columna vertebral.
Traumatismo na columna vertebral editar
A columna vertebral como conxunto de ósos non presenta un risco pola fractura dunha vértebra en si mesma, senón pola posible lesión que poida producirse na medula espiñal.
A lesión medular implica sempre unha lesión traumática na estrutura músculo esquelética, ósea e nos ligamentos.
Os traumatismos na rexión cervical (pescozo), con independencia das lesións óseas e medulares que poidan existir, poden ter afectadas estruturas brandas, situadas na parte anterior.
Traumatismo no tórax editar
Traumatismos que producen lesións no tórax ou nalgún dos órganos que contén. Os traumatismos torácicos poden comprometer tanto a vía aérea directamente, como as funcións cardíaca e respiratoria, e, polo tanto, implican un risco vital para a vítima.
Segundo o mecanismo de produción, as lesións poden ser pechadas, nas que non existe alteración da pel nin da parede torácica, ou lesións abertas, nas que a cavidade pleural está perforada, e isto comporta o colapso do pulmón e a perda da súa capacidade coa consecuente dificultade respiratoria.
Traumatismo no abdome editar
Calquera alteración que se provoca na cavidade abdominal a consecuencia dun impacto ou agresión externa.
Os traumatismos abdominais poden comprometer a diferentes órganos contidos dentro do abdome que forman parte do aparello dixestivo, a grosos vasos sanguíneos, ao sistema urinario e ó sistema endócrino.
Podemos atoparnos ante lesións pechadas, nas que non existe alteración da pel nin da parede abdominal, ou ante lesións abertas, nas que a parede abdominal foi penetrada por un obxecto.
Notas editar
- ↑ 1,0 1,1 "Wounds and Injuries: MedlinePlus". Nlm.nih.gov. Consultado o 20 de xullo de 2015.
- ↑ "Lesiones y Heridas Traumáticas | Irvine Injury Lawyers".
- ↑ 3,0 3,1 3,2 GBD 2013 Mortality and Causes of Death, Collaborators (17 de decembro de 2014). "Global, regional, and national age-sex specific all-cause and cause-specific mortality for 240 causes of death, 1990-2013: a systematic analysis for the Global Burden of Disease Study 2013". Lancet 385 (9963): 117–71. PMC 4340604. PMID 25530442. doi:10.1016/S0140-6736(14)61682-2.
- ↑ ""Comportamiento de los traumatismos dentarios "". Arquivado dende o orixinal o 23 de marzo de 2016. Consultado o 30 de marzo de 2017.
Véxase tamén editar
Ligazóns externas editar
- International Trauma Conferences (organización benéfica sobre traumatismos rexistrados que achega información para profesionais médicos en todo o mundo) (en inglés)
- Trauma.org (fonte sobre traumatismo para profesionais médicos) (en inglés)}