Transit
Transit foi unha serie de satélites artificiais dos Estados Unidos.[1]
_(21464583995).jpg)
Características editar
Os satélites Transit foron satélites desenvolvidos inicialmente pola Armada dos Estados Unidos para servir de axuda á navegación. O desenvolvemento comezou en 1958 e foron pensados para dar principalmente servizo aos submarinos Polaris aínda que despois comezaron a ser usados por axencias civís. O servizo prestado polos Transit deixou de funcionar como tal en 1996, substituído polos máis modernos GPS e Navstar. Lanzáronse entre 1959 e 1988.[1]
Transit 1A e 1B editar
Os dous primeiros satélites Transit tiñan forma aproximadamente esférica e 119 kg de masa e estabilizábanse mediante xiro, producindo a súa enerxía mediante células solares na súa superficie. Transit 1A foi lanzado mediante un Thor Able 2 o 17 de setembro de 1959, pero non chegou a órbita por un fallo no foguete. Transit 1B foi lanzado exitosamente o 13 de abril de 1960 usando un Thor Ablestar. Foi o primeiro satélite que fixo un reacendido dos seus motores no espazo e demostrou a viabilidade de usar satélites como axuda á navegación.[2][1]
Transit 2A e 2B editar
Transit 2A foi lanzado con éxito o 22 de xuño de 1960 a bordo dun Thor Ablestar, mentres que Transit 2B non chegou a ser lanzado nunca. Transit 2A, similar aos Transit 1, levaba entre os seus instrumentos, ademais dos transmisores de radio para navegación, un radiómetro para medir o ruído cósmico, un medidor infravermello e sensores de temperatura. A enerxía era producida por células solares alimentando unha batería de níquel-cadmio. Os transmisores funcionaban a frecuencias de 54, 162, 216 e 324 MHz.[3][1]
Transit 3A e 3B editar
Transit 3A non chegou a órbita debido a un fallo no seu foguetes lanzadore, un Thor Ablestar, o 30 de novembro de 1960. Transit 3B foi lanzado xunto co satélite LOFTI 1 o 22 de febreiro de 1961, tamén mediante un Thor Ablestar, pero debido a un fallo dun compoñente electrónico os satélites non chegaron a separarse da última etapa do foguete, permanecendo o conxunto en órbita. Con todo, Transit 3B estivo transmitindo durante un tempo.[4][1]
Transit 4A e 4B editar
Tanto Transit 4A como 4B foron lanzados con éxito mediante foguetes Thor Ablestar, o primeiro o 29 de xuño de 1961 e o segundo o 15 de novembro dese mesmo ano. A diferenza dos anteriores Transit, estes tiñan forma de cilindro de 109 cm de diámetro e 79 cm de alto, cunhas masas de 79 (Transit 4A) e 86 kg (Transit 4B). A enerxía eléctrica que os alimentaba proviña das células solares que recubrían as súas superficies. Os dous satélites levaban a bordo tamén fontes de enerxía nucleares SNAP 3 experimentais.[5][1]
Transit-5A 1, 2 e 3 editar
Os tres satélites Transit de tipo 5A foron prototipos lanzados mediante foguetes Scout X-3 entre 1962 e 1963, co segundo satélite non chegando a órbita por fallo do foguete. Eran satélites máis pequenos que os anteriores, de forma cilíndrica e con catro paneis solares, ademais dun mastro despregable para estabilizar os satélites mediante gradente gravitatorio.[6][1]
Transit-5BN 1, 2 e 3 editar
Os tres satélites Transit de tipo 5BN eran similares aos 5A pero estaban alimentados exclusivamente mediante fontes nucleares RTG de tipo SNAP-9A. O 1 e o 2 foron lanzados con éxito en 1963 mediante foguetes Thor Ablestar, mentres que o terceiro non chegou a órbita por un problema co foguete lanzador, despois do cal decidiuse que o resto de satélites Transit usarían paneis solares.[7][1]
Transit-5C 1 e 2 editar
Transit-5C 1 foi lanzado o 4 de xuño de 1964 a bordo dun Scout X-4, mentres que a segunda unidade nunca foi lanzada. Era similar aos Transit 5A pero cun redeseño para maior eficiencia.[8][1]
Transit-5E 1 editar
- Artigo principal: Transit-5E 1.
Transit-5E 1 foi lanzado o 28 de setembro de 1963 mediante un Thor Ablestar, tiña unhas maas de 59 kg e catro paneis solares. Foi un satélite adicado máis á investigación, para estudar a contorna doutros satélites Transit.[9][1]
Transit-5E 2 editar
Transit-5E 2 foi lanzado o 21 de abril de 1964 mediante un foguete Thor Ablestar, pero non chegou a órbita por un fallo no foguete. A súa misión era similar á de Transit-5E 1.[10][1]
Transit-5E 3 editar
Transit-5E 3 foi lanzado con éxito o 5 de decembro de 1963 mediante un foguete Thor Ablestar cunha misión similar a Transit-5E 1 e 2. Funcionou ata o 19 de xullo de 1964.[11][1]
Transit-5E 4 editar
Transit-5E 4 debería ter tido unha misión similar ao resto de Transit-5E, pero finalmente foi cancelado.[12][1]
Transit-5E 5 editar
Transit-5E 5 foi posto en órbita mediante un foguete Thor Ablestar o 13 de decembro de 1964. Como o resto de satélites da serie, era un satélite de investigación adicado a estudar a contorna do resto de satélites Transit.[13][1]
Transit-O editar
Transit-O foi a denominación dos satélites Transit operativos. Lanzáronse 24 entre 1964 e 1988 dos 32 planificados inicialmente, cos oito restantes ou non sendo lanzados ou modificados para outras funcións.[14][1]
Historial de lanzamentos editar
| Misión[1][2][3][4][5][6][7][8][9][10][11][12][13][14] | Data de lanzamento[1][2][3][4][5][6][7][8][9][10][11][12][13][14] | Foguete lanzador[1][2][3][4][5][6][7][8][9][10][11][12][13][14] | Notas[1][2][3][4][5][6][7][8][9][10][11][12][13][14] |
|---|---|---|---|
| Transit 1A | 17 de setembro de 1959 | Thor Able | Fallo |
| Transit 1B | 13 de abril de 1960 | Thor Ablestar | Éxito |
| Transit 2A | 22 de xuño de 1960 | Thor Ablestar | Éxito |
| Transit 3A | 30 de novembro de 1960 | Thor Ablestar | Fallo |
| Transit 3B | 22 de febreiro de 1961 | Thor Ablestar | Fallo parcial |
| Transit 4A | 29 de xuño de 1961 | Thor Ablestar | Éxito |
| Transit 4B | 15 de novembro de 1961 | Thor Ablestar | Éxito |
| Transit-5A 1 | 19 de decembro de 1962 | Scout X-3 | Éxito |
| Transit-5A 2 | 5 de abril de 1963 | Scout X-3 | Fallo |
| Transit-5A 3 | 16 de xuño de 1963 | Scout X-3 | Éxito |
| Transit-5BN 1 | 28 de setembro de 1963 | Thor Ablestar | Éxito |
| Transit-5E 1 | 28 de setembro de 1963 | Thor Ablestar | Éxito |
| Transit-5BN 2 | 5 de decembro de 1963 | Thor Ablestar | Éxito |
| Transit-5E 3 | 5 de decembro de 1963 | Thor Ablestar | Éxito |
| Transit-5BN 3 | 21 de abril de 1964 | Thor Ablestar | Fallo |
| Transit-5C 1 | 4 de xuño de 1964 | Scout X-4 | Éxito |
| Transit-5E 2 | 21 de abril de 1964 | Thor Ablestar | Fallo |
| Transit-5E 5 | 13 de decembro de 1964 | Thor Ablestar | Éxito |
| Transit-O 1 | 6 de outubro de 1964 | Thor Ablestar | Éxito |
| Transit-O 2 | 13 de decembro de 1964 | Thor Ablestar | Éxito |
| Transit-O 3 | 11 de marzo de 1965 | Thor Ablestar | Fallo |
| Transit-O 4 | 24 de xuño de 1965 | Thor Ablestar | Éxito |
| Transit-O 5 | 13 de agosto de 1965 | Thor Ablestar | Éxito |
| Transit-O 6 | 22 de decembro de 1965 | Scout A | Éxito |
| Transit-O 7 | 28 de xaneiro de 1966 | Scout A | Éxito |
| Transit-O 8 | 26 de marzo de 1966 | Scout A | Éxito |
| Transit-O 9 | 19 de maio de 1966 | Scout A | Éxito |
| Transit-O 10 | 18 de agosto de 1966 | Scout A | Éxito |
| Transit-O 12 | 14 de abril de 1967 | Scout A | Éxito |
| Transit-O 13 | 18 de maio de 1967 | Scout A | Éxito |
| Transit-O 14 | 25 de setembro de 1967 | Scout A | Éxito |
| Transit-O 18 | 2 de marzo de 1968 | Scout A | Éxito |
| Transit-O 19 | 27 de agosto de 1970 | Scout A | Éxito |
| Transit-O 20 | 30 de outubro de 1973 | Scout A1 | Éxito |
| Transit-O 24 | 3 de agosto de 1985 | Scout G1 | Éxito |
| Transit-O 30 | 3 de agosto de 1985 | Scout G1 | Éxito |
| Transit-O 27 | 16 de setembro de 1987 | Scout G1 | Éxito |
| Transit-O 29 | 16 de setembro de 1987 | Scout G1 | Éxito |
| Transit-O 23 | 26 de abril de 1988 | Scout G1 | Éxito |
| Transit-O 32 | 26 de abril de 1988 | Scout G1 | Éxito |
| Transit-O 25 | 25 de agosto de 1988 | Scout G1 | Éxito |
| Transit-O 31 | 25 de agosto de 1988 | Scout G1 | Éxito |
Notas editar
- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 1,11 1,12 1,13 1,14 1,15 1,16 1,17 1,18 Mark Wade (2020). "Transit" (en inglés). Consultado o 1 de marzo de 2022.
- ↑ 2,0 2,1 2,2 2,3 2,4 Gunter Dirk Krebs (2022). Gunter's Space Page, ed. "Transit 1A, 1B" (en inglés). Consultado o 1 de marzo de 2022.
- ↑ 3,0 3,1 3,2 3,3 3,4 Gunter Dirk Krebs (2022). Gunter's Space Page, ed. "Transit 2A, 2B" (en inglés). Consultado o 1 de marzo de 2022.
- ↑ 4,0 4,1 4,2 4,3 4,4 Gunter Dirk Krebs (2020). Gunter's Space Page, ed. "Transit 3A, 3B" (en inglés). Consultado o 1 de marzo de 2022.
- ↑ 5,0 5,1 5,2 5,3 5,4 Gunter Dirk Krebs (2022). Gunter's Space Page, ed. "Transit 4A, 4B" (en inglés). Consultado o 1 de marzo de 2022.
- ↑ 6,0 6,1 6,2 6,3 6,4 Gunter Dirk Krebs (2022). Gunter's Space Page, ed. "Transit-5A 1, 2, 3" (en inglés). Consultado o 1 de marzo de 2022.
- ↑ 7,0 7,1 7,2 7,3 7,4 Gunter Dirk Krebs (2022). Gunter's Space Page, ed. "Transit-5BN 1, 2, 3" (en inglés). Consultado o 1 de marzo de 2022.
- ↑ 8,0 8,1 8,2 8,3 8,4 Gunter Dirk Krebs (2022). Gunter's Space Page, ed. "Transit-5C 1, 2" (en inglés). Consultado o 1 de marzo de 2022.
- ↑ 9,0 9,1 9,2 9,3 9,4 Gunter Dirk Krebs (2022). Gunter's Space Page, ed. "Transit-5E 1 (S/N 39)" (en inglés). Consultado o 1 de marzo de 2022.
- ↑ 10,0 10,1 10,2 10,3 10,4 Gunter Dirk Krebs (2022). Gunter's Space Page, ed. "Transit-5E 2 (S/N 40)" (en inglés). Consultado o 1 de marzo de 2022.
- ↑ 11,0 11,1 11,2 11,3 11,4 Gunter Dirk Krebs (2022). Gunter's Space Page, ed. "Transit-5E 3 (S/N 41 ?)" (en inglés). Consultado o 1 de marzo de 2022.
- ↑ 12,0 12,1 12,2 12,3 12,4 Gunter Dirk Krebs (2022). Gunter's Space Page, ed. "Transit-5E 4 (S/N 42 ?)" (en inglés). Consultado o 1 de marzo de 2022.
- ↑ 13,0 13,1 13,2 13,3 13,4 Gunter Dirk Krebs (2022). Gunter's Space Page, ed. "Transit-5E 5 (S/N 43)" (en inglés). Consultado o 1 de marzo de 2022.
- ↑ 14,0 14,1 14,2 14,3 14,4 Gunter Dirk Krebs (2022). Gunter's Space Page, ed. "Transit-O (NNS, Oscar)" (en inglés). Consultado o 1 de marzo de 2022.
Véxase tamén editar
| Wikimedia Commons ten máis contidos multimedia na categoría: Transit |