Tralas luces

Tralas luces é unha longametraxe galega producida en 2011 con dirección de Sandra Sánchez. É un documental e estreouse en Galicia o 30 de setembro de 2011.

Tralas luces
Ficha técnica
Director	Sandra Sánchez
Produtor	Fernanda del Nido (Tic Tac Producciones) coprodución: Lagarto Cine, Arxentina & Ukbar Filmes, Portugal produtora executiva: Fernanda del Nido director de produción: Óscar Pousada
Guión	Sandra Sánchez
Música	Acho Estol
Fotografía	Sandra Sánchez
Montaxe	Sandra Sánchez e Nahum C. Fiuza
Estrea	30 de setembro de 2011
Duración	122 min
Orixe	Galicia
Xénero	Documental
Recadación	4.437,10 €
Na rede

Sinopse

Tralas luces é a historia dunha viaxe. A viaxe de Lourdes, unha feirante que percorre na súa caravana as estradas do norte de España xunto coa súa familia e coa súa pista de coches de choque ás costas.

Hai anos, a pista era o seu gran soño. Fundou unha familia e meteuse en gastos, pero os soños teñen vida propia. Lourdes afoga nas súas esperanzas e ninguén parece decatarse.

A través de estradas, pobos e aldeas, descubriremos un mundo en perigo de extinción, unha vida itinerante e, sobre todo, unha gran historia de amor e de perda.

A película, en palabras da autora

A película naceu co obxectivo de facer un retrato colectivo dunha forma de vida nómade, o dos feirantes ambulantes. Porén, a idea inicial foise transformando, centrándose a rodaxe na vida dunha familia, especialmente da matriarca.

A rodaxe durou 9 meses, nos que se conseguiron 200 horas de gravación.

Premios

Nos Premios Mestre Mateo 2011, o filme acadou os seguintes premios:

• Mellor longametraxe documental
• Mellor dirección (Sandra Sánchez)
• Mellor montaxe (Sandra Sánchez e Nahum C. Fiuza)

Véxase tamén

Outros artigos

• Lista de filmes en galego con maior recadación

Ligazóns externas

• Web oficial de Tralas luces
• Imaxes
• Tráiler
• "Los choques de la vida", crítica en El País, 30 de setembro de 2011.
• Festival de San Sebastián