Abrir o menú principal

Toulo de Graffenried

Emmanuel de Graffenried
Toulo de Graffenried.gif
Carreira na Fórmula 1
Nacionalidade Suíza Suíza
Anos en activo 19501954, 1956
Escudería(s) Maserati, Alfa Romeo
Grandes Premios disputados 23 (22 saídas)
Campionatos 0
Vitorias 0
Podios 0
Pole positions 0
Voltas rápidas 0
Primeiro GP Gran Premio do Reino Unido de 1950
Derradeiro GP Gran Premio de Italia de 1956


O barón Emmanuel 'Toulo' de Graffenried, nado o 18 de maio de 1914 en París, Francia e finado o 22 de xaneiro de 2007 en Lonay, Suíza, foi un piloto de carreiras suízo. Participou en 23 Grandes Premios do Campionato Mundial, debutou o 13 de maio de 1950, e anotou un total de nove puntos no campionato. Tamén participou en numerosas carreiras de Fórmula Un fora de campionato.[1]

Graffenried comezou a súa carreira deportiva en 1936, ao volante do seu propio Maserati. Algúns dos seus resultados máis memorables foron na súa pista local: o circuíto urbano de lastras de Bremgarten preto de Berna. Gañou o Gran Premio do Reino Unido de 1949,[2] un ano antes de comezar o Campionato Mundial da FIA. Nese ano inaugural de Graffenried disputou cinco das sete carreiras da tempada, con resultados mixtos. Continuou pilotando en carreiras ocasionais durante os seguintes seis anos, o seu mellor resultado foi o cuarto lugar no Gran Premio de Bélxica de 1953.[3]

Logo da súa retirada da competición, Graffenried montou un concesionario de coches en Lausanne, con automóbiles Alfa Romeo, Rolls-Royce e Ferrari. Tamén actuou como dobre especialista de Kirk Douglas durante a rodaxe de The Racers. Máis tarde, converteuse nunha figura habitual nos acontecementos da Fórmula Un durante os anos 1970 e 1980 como embaixador corporativo para a marca de cigarros Phillip Morris Marlboro.

En recoñecemento da súa vitoria no primeiro Gran Premio do Reino Unido, Graffenried fixo a súa última aparición ao volante dun coche de carreiras durante as celebracións en 1998 do 50 aniversario de Silverstone aos 84 anos de idade.

Resultados completos na Fórmula UnEditar

NotasEditar

  1. "The Formula One Archives". Consultado o 2007-08-04. 
  2. "II British Grand Prix 1949". silhouet.com. Consultado o abril 16, 2014. 
  3. "XIV Grand Prix de Belgique". silhouet.com. Consultado o April 16, 2014. 

Véxase taménEditar

Ligazóns externasEditar

BibliografíaEditar