Torremolinos 73

Torremolinos 73 é un filme de coprodución hispano-danesa escrito e dirixida por Pablo Berger no 2002. Estreouse no cine en abril de 2003.

Torremolinos 73
Ficha técnica
Título orixinal	Torremolinos 73
Director	Pablo Berger
Produtor	Tomás Cimadevilla
Guión	Pablo Berger
Intérpretes	Javier Cámara Candela Peña Juan Diego Fernando Tejero
Música	Mastretta
Fotografía	Kiko de la Rica
Montaxe	Rori Sáinz de Rozas
Estrea	2003
Duración	91 minutos
Orixe	España, Dinamarca
Xénero	Comedia
Na rede

Argumento

Alfredo é un vendedor de enciclopedias que ve como o seu traballo non ten futuro por culpa da irrupción dos coleccionables. Don Carlos (Juan Diego), director de Producciones Montoya e xefe de Alfredo, proponlles a el e a súa muller, Carmen (Candela Peña) gravar películas erótico-educativas en súper 8 para a súa comercialización en Escandinavia. Con isto, Alfredo recibe clases de dirección de cine por parte dun suposto axudante de Ingmar Bergman.

Mentres Alfredo se afecciona ao cine de Bergman, Carmen quere ter un fillo, mais convértese nunha estrela do cine porno en Escandinavia. Tras coñecer a fama das súas películas no Norte, Alfredo decide escribir e rodar a súa propia película, Torremolinos 73, para o que se desprazan á cidade malagueña de Torremolinos, protagonizando así o filme Máximo Valverde e a propia Carmen.

Elenco completo

• Javier Cámara (Alfredo López)
• Candela Peña (Carmen García)
• Juan Diego (Don Carlos)
• Fernando Tejero (Juan Luis)
• Mads Mikkelsen (Magnus)
• Malena Alterio (Vanessa)
• Ramón Barea (José Carlos Romerales)
• Nuria González (Señora de Romerales)
• Thomas Bo Larsen (Dennis)
• Tina Sáinz (Doña Isabel)
• Germán Montaner (Señor Anasagasti)
• Mariví Bilbao (Señora de Anasagasti)
• Ana Wagener (Dependienta)
• Jaime Blanch (Ginecólogo)
• Máximo Valverde (Máximo Valverde)
• Carmen Machi (Clienta Peluquería)
• Bjarne Henriksen (Lauritz)
• Esther Ferre (Prostituta)

Galardóns

Premios Goya

Tivo catro candidaturas na XVIII edición dos Premios Goya, mais non gañou ningún.

• Mellor director novel: Pablo Berger
• Mellor guión orixinal: Pablo Berger
• Mellor interpretación masculina protagonista: Javier Cámara
• Mellor interpretación masculina secundaria: Juan Diego

Festival de Málaga

No Festival de Cine de Málaga conseguiu catro premios:

• Mellor película
• Mellor director: Pablo Berger
• Mellor actor: Javier Cámara
• Mellor actriz: Candela Peña.

Festival de Tolosa

No Festival de Tolosa gañou cinco premios:

• Mellor película
• Mellor actor: Javier Cámara
• Mellor actriz: Candela Peña
• Mellor fotografía: Kiko de la Rica
• Mellor guión: Pablo Berger