Anthony Howard Wilson, nado o 20 de febreiro de 1950 e finado o 10 de agosto de 2007, foi un empresario inglés, presentador de programas musicais, fundador do selo musical Factory Records, desde onde lanzou grupos como Joy Division, New Order ou Happy Mondays.

Tony Wilson
Nacemento20 de febreiro de 1950
Lugar de nacementoSalford
Falecemento10 de agosto de 2007
Lugar de falecementoWithington
Causainfarto agudo de miocardio
SoterradoSouthern Cemetery, Manchester
NacionalidadeReino Unido
Alma máterJesus College
Ocupaciónprodutor musical, xornalista, executivo dunha discográfica, locutor de radio, agente de talentos, talent manager e presentador de televisión
Na rede
IMDB: nm0934240 Musicbrainz: c90528f0-75e7-435f-82e8-dfbdcf8824d3 Songkick: 353747 Discogs: 331381 Allmusic: mn0001852009 Find a Grave: 21757722 Editar o valor em Wikidata
editar datos en Wikidata ]

Traxectoria editar

Graduouse no 1971, e axiña comezou de reporteiro para a ITN, antes de volver a Manchester en 1973, cando se asegurou un posto en Granada Television. Presentou o programa cultural, musical e de divulgación So It Goes, onde falou do mítico concerto que deran os Sex Pistols no Manchester Lesser Free Trade Hall o 4 de xuño de 1976, o que asistiran entre 35 e 40 persoas, e que serviu ós membros de Joy Division para formar a banda.

Nos 80 Wilson dirixiu The Other Side of Midnight, outro programa semanal de Granada TV de cultura, música, literatura e arte en xeral. O seu programa dos domingos foi un dos primeiros experimentos da televisión nas late-night das fins de semana.

Abriu o club The Factory, que deu pé á fundación de Factory Records, para dar saída ás bandas que tocaban alí. Posteriormente dirixiu o mítico club nocturno The Haçienda en 1982.

É un dos principais catalizadores do son Madchester de finais dos 80 e comezos dos 90.

En 2002, o británico Michael Winterbottom dirixiu 24 Hour Party People, película que amosaba en forma de falso documental a historia de Factory Records, vista desde os ollos de Wilson, recreado polo actor Steve Coogan. Na película Control (2006), un biopic de Ian Curtis, é interpretado por Craig Parkinson.

Faleceu o 10 de agosto de 2007 dun ataque ó corazón no Hospital Christie de Manchester con 57 anos, debido a complicacións do cancro de ril que sufría.