Thomas Malthus

economista inglés considerado o pai da demografía

Thomas Robert Malthus, nado en Surrey o 14 de febreiro de 1766 e finado en Bath o 23 de decembro de 1834, foi un economista inglés, pertencente á corrente de pensamento clásica, considerado o pai da demografía. É coñecido principalmente polo seu An Essay on the Principle of Population (Ensaio sobre o principio da poboación) (1798), no que se expón o principio segundo o cal a poboación humana crece en progresión xeométrica, mentres que os medios de subsistencia fano en progresión aritmética. Así, chegará un punto no que a poboación non atopará recursos suficientes para a súa subsistencia (catástrofe maltusiana). Aínda que el non o deixou escrito e non hai constancia de que o pensase, comunmente achácaselle o corolario a esta teoría de que os recursos son limitados e o ser humano está condenado á extinción.

Infotaula de personaThomas Robert Malthus

Thomas Robert Malthus
Nome orixinal(en) Thomas Malthus Editar o valor em Wikidata
Biografía
Nacemento14 de febreiro de 1766
Surrey Inglaterra Inglaterra
Morte23 de novembro de 1826 (60 anos)
Bath Inglaterra Inglaterra
Datos persoais
País de nacionalidadeinglés
RelixiónIgrexa Anglicana Editar o valor em Wikidata
EducaciónJesus College (1784–)
Universidade de Cambridge
Warrington Academy (en) Traducir Editar o valor em Wikidata
Coñecido porDemografía e Macroeconomía
Actividade
Ocupacióneconomista, profesor, demógrafo, escritor, sacerdote
Membro de
ProfesoresWilliam Frend (en) Traducir e Gilbert Wakefield Editar o valor em Wikidata
Influencias
LinguaLingua inglesa Editar o valor em Wikidata
Obra
Obras destacables
Familia
CónxuxeHarriet
FillosHenry, Emily, Lucy
PaisDaniel Malthus (en) Traducir Editar o valor em Wikidata  e Catherine Graham (en) Traducir Editar o valor em Wikidata
IrmánsMary Anne Malthus (en) Traducir e Sydenham Malthus Editar o valor em Wikidata
Premios

WikiTree: Malthus-5 Find a Grave: 21117 Editar o valor em Wikidata
Essay on the principle of population, 1826

En realidade, o que Malthus rexistrou na súa obra era que a loita entre a capacidade humana de reprodución e a produción de alimentos sería perpetua. A pesar de que a progresión de crecemento da poboación era maior que a dos alimentos (medios de subsistencia), a longo prazo entrarían en xogo poderosos freos. O freo positivo (a poboación podería frearse pola guerra, a fame, as pragas ou as enfermidades), o freo preventivo (a restrición ó crecemento da poboación por "a prudencia e a prevención", isto é, pola abstinencia ou o atraso da idade do matrimonio) ou, en última instancia, o freo final (o crecemento das taxas de mortalidade).

A teoría da poboación de Malthus contribuíu a que a Economía sexa coñecida tamén como a ciencia lúgubre.

Malthus realizou tamén importantes achegas á teoría do valor e a súa medida, e á teoría das crises e o subconsumo, polo que John Maynard Keynes considerábao o seu precursor.

Malthus foi descrito polo seu biógrafo principal como "o home mellor ultraxado do seu tempo": efectivamente, e a pesar da lenda popular tanto da súa época como posterior (dado o pesimismo das súas proposicións), foi un home de temperamento agarimoso, xeneroso e xentil. Das súas moitas amizades, a máis significativa para a historia das ideas foi a que mantivo con David Ricardo, o seu adversario intelectual en moitas ocasións, pero o seu aliado na procura da verdade.

Véxase tamén editar

Outros artigos editar

Ligazóns externas editar


 
 Este artigo sobre matemáticas é, polo de agora, só un bosquexo. Traballa nel para axudar a contribuír a que a Galipedia mellore e medre.
 Existen igualmente outros artigos relacionados con este tema nos que tamén podes contribuír.