Thomas Cavalier-Smith
Thomas Cavalier-Smith, nado o 21 de outubro de 1942 e finado o 19 de marzo de 2021, foi un biólogo anglo-canadense, profesor titular de Bioloxía Evolutiva do departamento de Zooloxía da Universidade de Oxford e presidente da British Society for Protist Biology.
| Thomas Cavalier-Smith | |
|---|---|
 | |
| Datos persoais | |
| Nacemento | 21 de outubro de 1942 |
| Lugar | Londres |
| Falecemento | 19 de marzo de 2021 |
| Nacionalidade | anglo-canadense |
| Cónxuxe | Ema E-Yung Chao |
| Actividade | |
| Campo | Bioloxía, Protozooloxía |
| Alma máter | King's College de Londres, Gonville and Caius College e Norwich School |
| Premios | membro da Royal Society, International Prize for Biology, Medalha Frink e Medalla linneana |
| [ editar datos en Wikidata ] | |
Está considerado como o principal protozoólogo do mundo e foi o responsábel dunha mellor comprensión do tronco da árbore da vida, que é a filoxenia profunda. Estableceu máis novas clases e filos que calquera biólogo na historia. (ver imaxe)
No 2004 outorgáronlle o Premio Internacional de Bioloxía Arquivado 14 de agosto de 2014 en Wayback Machine. e, en 2007, a Medalla Lineana de Zooloxía e mais o Premio Frink.
TraxectoriaEditar
Crítico coas clasificacións clásicas dos seres vivos, gustaba de atacar as ideas que consideraba equivocadas. Para isto, realizou numerosas publicacións sobre a clasificación filoxenética e a orixe evolutiva dos seres vivos, especialmente de todos aqueles que non podemos ver a simple vista, como protistas e bacterias. Para isto baseouse no entendemento das principais transicións evolutivas, como a orixe dos eucariotas, a evolución molecular, a bioloxía celular, a ultraestrutura, a ecoloxía, a taxonomía, o rexistro fósil etc.
O seu laboratorio enfocouse na evolución e a bioxeografía de protozoos, en especial ameboides e flaxelados de vida libre, usando o cultivo celular, a secuenciación do ADN (xenes e xenomas), a bioinformática e a microscopia de luz e electrónica.
Os seus intereses teóricos eran moito máis amplos, chegando á diversificación dos principais grupos bacteriais e eucariotas.
Un dos seus traballos máis importantes é a teoría dos seis reinos, dividindo en 1981 a Protista en dous novos reinos: Chromista e Protozoa, cambiando a clasificación de Margulis grosso modo. Propón a Protozoa como un reino basal do que se orixinaron os demais reinos eucariotas superiores, dous heterótrofos: Animalia e Fungi, e dous autótrofos: Plantae e Chromista, este último aínda en debate e que corresponde a algas con c e organismos emparentados non fotosintetizadores. Divide a Protozoa nos supergrupos: Alveolata, Rhizaria, Excavata, Amoebozoa e Choanozoa, considerando a Chromista e Alveolata cun antepasado común: Chromalveolata, teoría que apoiaron despois estudos moleculares e morfolóxicos.
Tratou nas súas publicacións temas como a endosimbiose, a orixe dos orgánulos celulares ou o tamaño do xenoma.
Outro estudo importante refírese ao desenvolvemento evolutivo dos procariontes, aos que agrupa nun único reino, Bacteria, o cal ten un subreino basal ou ancestral: Negibacteria, das bacterias gramnegativas, as cales diverxeron por perda da membrana externa en Unibacteria (bacterias grampositivas) e estas á súa vez no clado Neomura, que finalmente daría orixe a dous clados irmáns: Archaebacteria e Eukaryota, os cales son moito menos antigos que as primeiras bacterias.
Os seus estudos foron sumamente controvertidos, porén na súa maior parte veñen sendo aceptados gradualmente pola comunidade científica.
Principais publicaciónsEditar
- Cavalier-Smith, T. 1967. Organelle development in Chlamydomonas reinhardii. Ph.D. thesis, Universidade de Londres.
- Cavalier-Smith T. 1981. Eukaryote kingdoms: seven or nine? Biosystems. 1981;14(3-4):461-81
- Cavalier-Smith T. 1987. The origin of eukaryotic and archaebacterial cells. Ann N Y Acad Sci. 1987;503:17-54.
- Cavalier-Smith, T. 1993. The Protozoan Phylum Opalozoa Journal of Eukaryotic Microbiology. Volume 40, Issue 5, pages 609–615, Sept. 1993. Article first published online: 11 MAY 2007
- Cavalier-Smith, T. 1993. Kingdom protozoa and its 18 phyla. Microbiol. Mol. Biol. Rev. Decembro 1993 vol. 57 no. 4 953-994
- Cavalier-Smith T, Chao EE. 1996. "Molecular phylogeny of the free-living archezoan Trepomonas agilis and the nature of the first eukaryote". J Mol Evol 43 (6): 551–62.
- T. Cavalier-Smith. 1998. A revised six-kingdom system of life. Biological Reviews, 73 : 203-266.
- Cavalier-Smith, T. 2002. The phagotrophic origin of eukaryotes and phylogenetic classification of Protozoa. Int J Syst Evol Microbiol. 2002 Mar;52(Pt 2):297-354.
- Cavalier-Smith, T. 2002. The neomuran origin of archaebacteria, the negibacterial root of the universal tree and bacterial megaclassification. Int J Syst Evol Microbiol. 2002 Jan;52(Pt 1):7-76.
- Cavalier-Smith, T. Chao EE. 2003. Phylogeny of choanozoa, apusozoa, and other protozoa and early eukaryote megaevolution. J Mol Evol. 2003 maio;56(5):540-63.
- Cavalier-Smith, T. 2003. Protist phylogeny and the high-level classification of Protozoa, Europ. J. Protistol. 39, 338-348
- Cavalier-Smith, T. 2003. The excavate protozoan phyla Metamonada Grassé emend. (Anaeromonadea, Parabasalia, Carpediemonas, Eopharyngia) and Loukozoa emend. (Jakobea, Malawimonas): their evolutionary affinities and new higher taxa. Int J Syst Evol Microbiol. 2003 Nov;53(Pt 6):1741-58.
- Cavalier-Smith, T. 2004. Only six kingdoms of life. Proc. R. Soc. Lond. B 271: 1251-1262. (pdf aquí)
- Cavalier-Smith, T. 2006. Cell evolution and Earth history: stasis and revolution. Phil. Trans. R. Soc. B (maio de 2006) 361, 969–1006
- Cavalier-Smith, T. 2006. Protozoa: the most abundant predators on earth. Microbiology Today, nov. 2006, pp. 166–167. (pdf aquí)
- Cavalier-Smith, T. 2006. Rooting the tree of life by transition analyses. Biol Direct. 1: 19. doi: 10.1186/1745-6150-1-19.
- Cavalier-Smith, T. 2008. Predation and eukaryote cell origins: a coevolutionary perspective. Int J Biochem Cell Biol. 2009 Feb;41(2):307-22. doi: 10.1016/j.biocel.2008.10.002. Epub 2008 Oct 18
- Cavalier-Smith, T. 2009. Megaphylogeny, cell body plans, adaptive zones: causes and timing of eukaryote basal radiations. J Eukaryot Microbiol. 2009 Jan-Feb;56(1):26-33.
- Cavalier-Smith Thomas, 2010. "Deep phylogeny, ancestral groups and the four ages of life". Philos Trans R Soc Lond B Biol Sci. 12 de xaneiro de 2010; 365(1537): 111–132.
- Cavalier-Smith Thomas, 2010. "Origin of the cell nucleus, mitosis and sex: roles of intracellular coevolution"Arquivado 12 de xuño de 2013 en Wayback Machine.. Biology Direct 5 (1): 7.
- Cavalier-Smith, T. 2012. Early evolution of eukaryote feeding modes, cell structural diversity, and classification of the protozoan phyla Loukozoa, Sulcozoa, and Choanozoa. Eur J Protistol. 2012 Oct 18. pii: S0932-4739(12)00050-8. doi: 10.1016/j.ejop.2012.06.001.
- Cavalier-Smith T, Scoble JM. 2012. Phylogeny of Heterokonta: Incisomonas marina, a uniciliate gliding opalozoan related to Solenicola (Nanomonadea), and evidence that Actinophryida evolved from raphidophytes. Eur J Protistol. 2012 Dec 3. pii: S0932-4739(12)00090-9. doi: 10.1016/j.ejop.2012.09.002.
AbreviaturasEditar
A abreviatura Caval.-Sm. emprégase para indicar a Thomas Cavalier-Smith como autoridade na descrición e clasificación científica dos vexetais.
A abreviatura Cavalier-Smith emprégase para indicar a Thomas Cavalier-Smith como autoridade na descrición e taxonomía en zooloxía.
Véxase taménEditar
Ligazóns externasEditar
- Páxina web de Cavalier-Smith (en inglés) Consultada o 8 de agosto de 2014.
- Pequena biografía de Tom Cavalier-Smith na web da Universidade de Oxford. (en inglés) Consultada o 8 de agosto de 2014.