The New Abnormal

The New Abnormal é o sexto álbum de estudio da banda estadounidense de indie rock The Strokes, publicado o 10 de abril de 2020 a través dos selos Cult e RCA Records. Trátase do seu primeiro disco dende Comedown Machine (2013), foi producido por Rick Rubin e gravouse no seu estudio Shangri-La en Malibu, California, con gravacións adicionais realizadas en estudios do condado dos Ánxeles e Hawaii. The Strokes comezaron a interpretar temas do álbum a través do ano 2019 antes de revelar a listaxe de cancións do disco e a súa portada a principios de 2020. "At the Door", "Bad Decisions", e "Brooklyn Bridge to Chorus" publicáronse como sinxelos antes do lanzamento do álbum, con "The Adults Are Talking" sendo lanzado para a radio meses despois.

The New Abnormal
Álbum de The Strokes
Publicado	10 de abril de 2020
Gravación	2019
Estudio(s)	Shangri-La (Malibu, California)
Duración	45:07
Xénero(s)	indie rock, new wave, post-punk, pop, electrónica
Selo(s)	Cult Records, RCA Records
Producido por	Rick Rubin
Cronoloxía
Future Present Past (2016) The New Abnormal -

The New Abnormal tivo recensións moi positivas dos críticos, moitos dos cales considerárono un regreso aos bos tempos da banda. As loanzas dirixíronse particularmente cara a madurez das letras do vocalista Julian Casablancas, así como cara a maior cohesión musical da banda. O álbum chegou ao número 1 en Escocia e ao top 10 noutros seis países, incluídos os Estados Unidos e o Reino Unido. Tamén gañou o premio Grammy ao mellor álbum de rock en 2021, sendo o seu primeiro nomeamento e primeira vitoria.

Listaxe de cancións

Todas as letras escritas por Julian Casablancas, toda a música composta por The Strokes, agás onde se indique.

N.º	Título	Duración
1.	"The Adults Are Talking"	5:09
2.	"Selfless"	3:42
3.	"Brooklyn Bridge to Chorus"	3:55
4.	"Bad Decisions" (The Strokes, Billy Idol, Tony James)	4:53
5.	"Eternal Summer" (The Strokes, Richard Lofthouse Butler, Timothy George Butler)	6:15
6.	"At the Door" (The Strokes, Paul Vassallo)	5:10
7.	"Why Are Sundays So Depressing"	4:35
8.	"Not the Same Anymore"	5:37
9.	"Ode to the Mets"	5:51
45:07