The Cartel (novela)

The Cartel é unha novela policial de Don Winslow publicada en 2015 nos Estados Unidos. Esta novela é o segundo volume dunha triloxía, despois de The Power of the Dog, publicada dez anos antes, e que ocorre antes da publicación de The Border en 2019. Gañou o premio CWA Ian Fleming Steel Dagger de 2016 así como o Prix Mystère de la critique de 2017.

The Cartel
Título orixinal	The Cartel
Autor/a	Don Winslow
Orixe	Estados Unidos
Lingua	Inglés
Xénero(s)	Novela
Editorial	Alfred A. Knopf
Data de pub.	23 de xuño]] de 2015
Formato	Tapas duras
Páxinas	640
ISBN	ISBN 978-1-101-87499-8
[ editar datos en Wikidata ]

Sinopse

Art Keller, un axente estadounidense e membro da DEA, a axencia estadounidense que loita contra as drogas, logrou en 2010 capturar a Adán Barrera, líder do cártel de Sinaloa e unificador dos carteis mexicanos da droga. Art Keller vive dende entón como un recluso nun mosteiro mexicano onde coida abellas. Pero en 2014, Adán Barrera, despois de ter negociado para cumprir a súa pena de prisión en México en troques de información que permitise a captura do líder do cartel do Golfo, logrou escapar da súa prisión mexicana. Por iso ofrece dous millóns de dólares a quen mate a Art Keller e une as súas forzas con Diego Tapia e Nacho Esparza, os dous líderes do cártel de Sinaloa, para tentar recuperar un lugar dominante no narcotráfico en México. Para iso, oporase ao cartel da Familia, ao cartel de Los Zetas e ao cartel de Juárez. Esta loita polo poder levará a un estalido de violencia sen precedentes, que causará miles de vítimas civís.

Paralelamente a este enfrontamento, outra trama, cuxa narración se cruza coa de Art Keller, implica outros dous personaxes: Jesús, un neno de dez anos, que se converte en asasino para Los Zetas, e despois para o cartel de Famillia, e Eddie Ruiz, un narcotraficante asasino que loitará contra Los Zetas.

Edición

• The Cartel, Alfred A. Knopf, 23 de xuño de 2015, 640 p. (ISBN 978-1-101-87499-8)