Abrir o menú principal

Teodorico II, rei franco

Teodorico II (Thierry II en francés, tamén Teoderico), nado no 587 e finado no 613, foi rei de Austrasia e Borgoña. O seu pai Khildeberto II cando morreu dividiu o reino entre os seus dous fillos. Teodorico herdou o reino de Borgoña cando só tiña oito anos de idade. A súa avoa Brunequilda, exercía a rexencia desde a corte do seu irmán Teodeberto II en Austrasia. Pero cando Teodeberto casa, a súa nai non está de acordo, polo que foi expulsada da corte de Austrasia para dirixirse a Borgoña.

Teodorico II, rei franco
Portrait Roi de france Thierri II (i.e. IV).jpg
Nacemento587
 valor descoñecido
Falecemento613
 Metz
CausaDisentería
Ocupaciónmonarca
PaiKhildeberto II
NaiFaileuba
CónxuxeErmenberga
FillosSixeberto II, Childeberto, Corbo e Meroveo
IrmánsTeodeberto II e Theodila
editar datos en Wikidata ]

Teodorico casa con Ermenberta, filla do rei visigodo Recaredo. Brunequilda volve protestar por esta voda e consegue que se divorcie.

Os fillos de Khilderico loitan xuntos contra Clotario II que intentara invadir Austrasia e Borgoña. No ano 612, Brunequilda incita a Teodorico a atacar a Teodeberto e vénceo na batalla de Toul. Teodeberto foi encarcerado e morto co seu fillo. Así, Teodorico convértese en rei de Austrasia e Borgoña.

O ano seguinte Teodorico morre e Brunequilda intenta desesperadamente manter o poder instalando no trono a Sixeberto, fillo de Teodorico, pero os nobres de Austrasia, que a expulsaron uns anos antes, entregárona a Clotario II, que, segundo a lenda, atou á anciá á cola dun cabalo salvaxe e deixouna que morrese arrastrada. Tamén mandou asasinar aos fillos de Teodorico e no 614 foi recoñecido rei de todos os francos.