Templo mormón de Atlanta
O templo mormón de Atlanta é un edificio relixioso situado na cidade estadounidense de Atlanta e que pertence á Igrexa de Xesucristo dos Santos dos Últimos Días. Foi o primeiro templo mormón construído no sueste dos Estados Unidos e o segundo templo ao leste do Mississippi desde 1846. Comezada a construír en 1980, o edificio rematouse e consagrouse en 1983. Na fachada do edificio di unha inscrición: "Holiness to the Lord The House of the Lord" (Santidade ao Señor, a casa do Señor).
