Tancredo de Hauteville

páxina de homónimos

Tancredo de Hauteville (en latín, Tancredus de Altavilla; en italiano, Tancredi d'Altavilla), nado contra finais do século X no Ducado de Normandía e finado contra 1041, foi un señor normando da baixa nobreza, que pasou á posteridade por ser o pai dos irmáns Hauteville, que conquistaron a Italia meridional aos bizantinos (1040-1071), e Sicilia (1061-1091) e da illa de Malta (1090) aos musulmáns.

Tancredo de Hauteville
Estatua talvez de Tancredo de Hauteville, que data de 1875 e substitúe a outra danada na Revolución francesa, na fachada norte da Catedral de Coutances.

Nacementofinais do século X (c. 980)
Ducado de Normandía
Falecementoc. 1041
Consorte
    • Murielle
    • Frédésende
  • DescendenciaVéxase #Matrimonios e descendencia
    Casa realCasa de Hauteville

    Escudo de Tancredo de Hauteville
    Escudo da familia Hauteville

    Gobernou un feudo achegado a Coutances, no Cotentín, na actual rexión da Baixa Normandía.

    Orixe da casa de Hauteville editar

    A Casa de Hauteville, ou Altavilla, puido descender de Hiallt, un normando nado en 920 que se asentou no Cotentín e fundou a vila chamada Hialtus Villa (Altavilla) do que a familia tomou o seu nome.[1][2] Tancredo sería seu bisneto.[3]

    Matrimonios e descendencia editar

    Tancredo tivo 12 fillos das súas dúas esposas (sobre as que se afima que ambas as dúas eran fillas do duque Ricardo I de Normandía, aínda que baseándose nunha testemuña tardía de dubidosa credibilidade.[4], así como un número indeterminado de fillas. Case todos os seus fillos deixaron Normandía e trasládaronse ao sur de Italia, conseguindo gran sona nese lugar.

    • Da súa primeira esposa, Muriella, morta prematuramente, naceron cinco fillos varóns:[5]

    Segundo Amatus de Montecassino, cronista italiano das conquistas normandas no sur de Italia, Tancredo fora un home dunha moralidade moi estrita, que non estaba disposto a manter unha relación en pecado, polo que casou novamente, ao non ser capaz de vivir en perfecto celibato.

    Outro Tancredo de Hauteville editar

    Un bisneto de Tancredo, tamén chamado Tancredo de Hauteville, foi un dos líderes da Primeira Cruzada. Era neto de seu fillo, o duque Roberto Guiscardo. Despois da Cruzada, Tancredo foi príncipe de Antioquía.

    Notas editar

    1. Hill, James S. (1914): The place-names of Somerset. St. Stephen's printing work, Princeton Universityn p. 256.
    2. Revue de l'Avranchin et du pays de Granville, Volume 31, nº 174, Partes 3-4. Société d'archéologie, de littérature, sciences et arts d'Avranches, 1941. Avranches, France.
    3. Huges, David (2007): The British Chronicles, Volume 2, p. 527. Westminster, Maryland, USA: Heritage Books Inc. ISBN 978-0-1889-4491-3.
    4. Richard II, Duke of Normandy, 996-1026 Arquivado 19 de xuño de 2016 en Wayback Machine..
    5. Segundo Gaufredo Malaterra: ...Tancredus nomine, duxit uxorem, moribus et genere splendidam mulierem, nomine Moriellam, ex qua legali successione annorum quinque filios, postea futuros comites, suscepit: Willelmum videlicet cognomine Ferrea-brachia, Drogonem, Humfredum, Gaufredum et Serlonem.
    6. Segundo Gaufredo Malaterra: Ducta vero Frensendis vocabatur, generositate et moribus priore non inferior, quae legitimis terminis marito septem peperit filios, non minoris pretii vel dignitatis a praedictis fratribus, quorum nomina subtitulamus hic: primus Robertus, dictus a nativitate Guiscardus, postea totius Apuliae princeps et Calabriae dux, vir magni consilii, ingenii, largitatis et audaciae; secundus Malgerius, tertius Willelmus, quartus Alveredus, quintus Hubertus, sextus Tancredus, septimus Rogerius minor, postea Siciliae debellator et comes.

    Véxase tamén editar

    Outros artigos editar

    Ligazóns externas editar