Taboada, Silleda
Santiago de Taboada é unha parroquia que se localiza no concello de Silleda na comarca do Deza. Segundo o padrón municipal de 2014 tiña 214 habitantes (106 homes e 108 mulleres), distribuídos en 9 entidades de poboación, o que supón unha diminución en relación ao ano 1999 cando tiña 237 habitantes.
| Taboada | |
|---|---|
 Igrexa parroquial. | |
| Concello | Silleda[1] |
| Provincia | Pontevedra |
| Coordenadas | 42°41′12″N 8°13′05″O / 42.686797222222, -8.2181583333333 |
| Poboación | 214 hab. (2014) |
| Entidades de poboación | 9[1] |
| [ editar datos en Wikidata ] | |
Historia
editarA historia da parroquia xira ó redor da ponte que comunicaba Deza con Trasdeza ou indo máis alá, Castela con Santiago, no camiño da Maragatería. A primeira era de táboas (Pons Tabulata), de aí o seu nome, e a segunda, de pedra, medieval, aínda segue erguida cunha inscrición nunha rocha próxima na que figura o ano da construción (912).
Augas abaixo, atópase a ponte da antiga estrada a Santiago de Compostela, levantada en 1862, que deixou se ser tan transitada na década de 1970, ao reformarse o trazado da N-525 e construírse un novo viaduto.
Preto desa ponte, está localizada a estación de ferrocarril, á que se accede desde a outra beira do río Deza grazas a outro viaduto[2], dende o cal se precipitaron os últimos vagóns dun convoi e foron parar ao río, cargados con conservas e ferramentas agrícolas. Na actualidade, aínda se poden ver os restos dos vagóns no leito do Deza[3] .
Por Taboada pasa a Vía da Prata, que transcorre polo Camiño Real.
Patrimonio
editarA igrexa de Santiago de Taboada é románica, data do século XII, ten planta e ábsida rectangular, destacando a portada. No adro hai un singular cruceiro de fuste cónico acanalado con altar. Nas proximidades, cruzando a N-525, hai unha área recreativa dedicada ó peregrino con dous monumentos ó Apóstolo Santiago e ó Peregrino Anónimo, deseño de Francisco Alen, obra da Escola Taller de Silleda.
Nesta parroquia, a carón do río Deza, atópase a estación da Ponte Taboada, con parada para viaxeiros da liña de ferrocarril Santiago-Ourense. Ademais destaca a Casa de Carballeda, no lugar do mesmo nome, que conta cunha capela baixo a advocación de San Roque e que foi propiedade no seu momento da familia Gil Taboada.
Galería de imaxes
editar- Artigo principal: Galería de imaxes de Taboada, Silleda.
-
-
-
Ponte Taboada, sobre a que pasa o camiño de Santiago
Lugares e parroquias
editarLugares de Taboada
editar| Lugares da parroquia de Taboada no concello de Silleda (Pontevedra) | |
|---|---|
|
Carballeda | Carral | Eirexe | A Estación | A Ponte Taboada | Reboredo | A Regueira | Taboada Vella | Trasdovalo |
Parroquias de Silleda
editarNotas
editar- ↑ 1,0 1,1 Decreto 219/1998, do 2 de xullo, polo que se aproba o nomenclátor correspondente ás entidades de poboación da provincia de Pontevedra.
- ↑ "Ponte do ferrocarril de Taboada no catálogo patrimonial do PXOM de Silleda". Arquivado dende o orixinal (PDF) o 18 de setembro de 2019. Consultado o 27 de marzo de 2014.
- ↑ Lalín solicitará a Renfe que retire restos antigos de vagóns en Ponte Taboada (en castelán). La Voz de Galicia (Consultado o 27/03/2014)