Symphonie

Symphonie foi unha serie de dous satélites de comunicacións europeos froito da colaboración entre Francia e Alemaña.^[1]^[2]

Características

Os dous satélies Symphonie foron satélites experimentais cos que Europa gañou experiencia no campo das comunicacións por satélite. O proxecto comezou en 1967 como unha colaboración entre Francia e Alemaña. Os dous satélites eran relativamente pequenos, de 230 kg ao chegar á órbita xeoestacionaria, estaban estabilizados nos tres eixos e usaban paneis solares. Cada un levaba dous transpondedores e excederon o seu tempo de vida previsto de cinco anos. Foron lanzados entre 1974 e 1975, con Symphonie 1 sendo enviado a unha órbita cemiterio en 1983 e Symphonie 2 en 1985. Construíuse unha terceira unidade, pero non foi lanzada. Para os lanzamentos usáronse foguetes Delta 2914, aínda que orixinalmente estaba planeado usar foguetes Europa 2 que nunca chegaron a estar en servizo.^[1]^[2]

Historial de lanzamentos

Misión^[1]^[2]	Data de lanzamento^[1]^[2]	Foguete lanzador^[1]^[2]	Notas^[1]^[2]
Symphonie 1	19 de decembro de 1974	Delta 2914	Éxito
Symphonie 2	27 de agosto de 1975	Delta 2914	Éxito

Notas

↑ ^1,0 ^1,1 ^1,2 ^1,3 ^1,4 ^1,5 Mark Wade (2022). "Symphonie" (en inglés). Consultado o 23 de xaneiro de 2022.
↑ ^2,0 ^2,1 ^2,2 ^2,3 ^2,4 ^2,5 Gunter Dirk Krebs (2022). Gunter's Space Page, ed. "Symphonie 1, 2" (en inglés). Consultado o 23 de xaneiro de 2022.

Véxase tamén

Outros artigos

[astronautix-1] 1,0 ^1,1 ^1,2 ^1,3 ^1,4 ^1,5 Mark Wade (2022). "Symphonie" (en inglés). Consultado o 23 de xaneiro de 2022.

[gunter-2] 2,0 ^2,1 ^2,2 ^2,3 ^2,4 ^2,5 Gunter Dirk Krebs (2022). Gunter's Space Page, ed. "Symphonie 1, 2" (en inglés). Consultado o 23 de xaneiro de 2022.

[1]

[2]