Susana de Roma

Susana (nada en 280 - finada en 295) foi unha cidadá romana decapitada por se negar a ofrecer sacrificios ao deus Xúpiter, considerada santa pola Igrexa Católica.

Susana de Roma
Nacemento	280
Lugar de nacemento	Roma
Falecemento	295
Lugar de falecemento	Roma
Causa	decapitación
Nacionalidade	valor descoñecido
[ editar datos en Wikidata ]

Para outras páxinas con títulos homónimos véxase: Santa Susana.

Susana de Roma venérase na Igrexa Católica o 11 de agosto.

Naceu en Roma no ano 280, filla de Gabino (futuro santo) e sobriña (segundo os seus haxiógrafos) do papa Caio, ambos os dous familiares achegados do emperador da época, Diocleciano. Pouco despois do nacemento da súa única filla, Gabino enviuvou e fíxose sacerdote. Susana, mentres tanto, foi educada no cristianismo por uns familiares. Posuidora dunha grande intelixencia, dende pequena amososu un grande interese polas escrituras sacras. Á idade de 12 anos dedicaba parte do seu tempo a comentar as mensaxes dos santos padres.

Morre mártir por orde de Diocleciano, sendo decapitada o 11 de agosto do ano 295. A Igrexa lémbraa o mesmo día do seu finamento.