Suraĭë Qosimova

Suraĭё Qosimova, nada en Kulob o 22 de abril de 1957, é unha cantante e actriz taxica.

Suraĭë Qosimova

Biografía
Nacemento	22 de abril de 1957 (66 anos)
Datos persoais
País de nacionalidade	Taxiquistán (1991–) Unión Soviética (1957–1991)
Actividade
Ocupación	actriz , cantante
Familia
Fillos	Shabnam Surayyo (en) , Farzona Khurshed (en)

Traxectoria

Súa nai, Davlatbi, era cociñeira e seu pai abandonou a familia cando os catro fillos do matrimonio eran aínda cativos, a súa irmá, Sadbarg, é unha recoñecida bailarina. Dúas das fillas de Qosimova, Farzonai Hurshed e Shabnami Surayyo son tamén cantantes famosas .

Tras rematar os estudos de secundaria en 1970 formouse como actriz e actuou en numerosas obras de teatro, como Karim Devona de Turakhon Ahmadov, Mukofot de N. Enisenku, Khusrav ba Shirin de M. Tursunzoda e A. Dehoti Nairabghoi Skapen de Molière ou Moçaroi imatihon de Abdusalom Atoboev.

Qosimova canta principalmente cancións populares ao estilo das badehas e cancións de voda, é unha participante habitual de programas musicais de televisión dende a década de 1980. Versionou numerosos poemas, entre as súas cancións máis coñecidas están "Ba man oiad" (poema de Rudaki, música de A. Odinaev), "Bahtonomai mo" (poema de M. Haidarsho, música de M. Mirov), "Vatan" (poema de H. Goib, música de D. Kholov), " Medonam ”(poema de M. Hakimova, música de J. Obidpur), “Didori ier ”(poema de Hafiz, música de T. Iunusov) que se tornaron populares en Taxiquistán e mais tamén realizou xiras por Afganistán, Irán, Iemen, Paquistán ou Mongolia.