Subida a Carballo
A Subida a Carballo foi unha carreira de montaña disputada en Carballo entre 1983 e 1987. Era puntuable para o Campionato de Galicia de Montaña.
| Subida a Carballo | |
|---|---|
| Fundación | 1983 |
| Rexión | Carballo |
| Copa |  Campionato de Galicia de Montaña |
| Máis laureado | Camba (3) |
| Organizador | Escudería La Coruña Escudería Motor Bergantiños |
Historia editar
A primeira edición tivo lugar o 18 de xuño de 1983, organizada pola Escudería La Coruña, e co percorrido situado na estrada que une Carballo con Razo.[1] Esta foi dominada polos fórmulas dos pilotos asturianos Víctor Abraham, Naredo e Valentín, que ocuparon as tres primeiras posicións, seguidos de José Luis Vilanova co seu o Porsche 911 SC, sendo este o primeiro galego e o primeiro carrozado na liña de meta.[2] Nesa primeira edición destacou a ausencia do pontevedrés Alberto González "Camba", quen si competiu na segunda, disputada en setembro de 1985, onde logrou a vitoria por diante de Abraham e Luis Barrio. Carlos Piñeiro (4º), José Mora (6º) e José Luis Vilanova (7º) foron os tres primeiros turismos clasificados.[3]
O Selex 2000 de Camba gañou tamén as seguintes edicións, en 1986 e 1987, acompañado no podio en ambos casos por José Luis Santos e Manuel Cavada.[4][5]
Palmaŕes editar
| Ano | Nome | Vencedor | Vehículo |
|---|---|---|---|
| 1983 | I Subida a Carballo |  Víctor Abraham
|
Selex 2000 |
| 1985 | II Subida a Carballo | Camba
|
Selex 2000 |
| 1986 | III Subida a Carballo | Camba
|
Selex 2000 |
| 1987 | IV Subida a Carballo | Camba
|
Selex 2000 |
Notas editar
- ↑ "Pilotos de Asturias y Galicia lucharán mañana en la «Subida a Carballo»". La Voz de Galicia (en castelán). 11 de xuño de 1983. p. 46.
- ↑ Arévalo, Fernando (20 de xuño de 1987). "Abraham y Vilanova, ganadores de la «I Subida a Carballo»". La Voz de Galicia (en castelán). p. 22.
- ↑ Arévalo, Fernando (9 de setembro de 1985). "Camba ganó la Subida a Carballo". La Voz de Galicia (en castelán). p. 15.
- ↑ "El pontevedrés González Camba venció en la «III Subida a Carballo»". La Voz de Galicia (en castelán). 6 de outubro de 1986.
- ↑ Ferreiro, José M. (26 de agosto de 1987). "González Camba logró en la «IV Subida a Carballo» su 77 victoria individual". La Voz de Galicia (en castelán). p. 26.