Stuart Sutcliffe

Stuart Fergusson Victor Sutcliffe máis coñecido como Stuart Sutcliffe e nado o 23 de xuño de 1940 en Edimburgo, Escocia (Reino Unido) e finado o 10 de abril de 1962 en Hamburgo (Alemaña) foi un pintor, poeta e o baixista orixinal do grupo británico The Beatles. Cursou estudos no Art College de Liverpool, onde aos 19 anos considerarono como o máis talentoso e prometedor estudante de pintura.

Stuart Sutcliffe
Nome completo	Stewart Fergusson Victor Sutcliffe
Alias	“Stu”
Data nacemento	23 de xullo de 1940
Nado en	Edimburgo, Escocia, Reino Unido
Falecemento	10 de abril de 1962 (21 anos) Hamburgo Alemaña
	Hamburgo
Causa	hemorraxia cerebral
Soterrado	St Michael's Church, Huyton
Ocupación	Poeta, pintor, músico
Xénero	rock
Instrumento(s)	baixo
Selo(s) discográfico(s)	Parlophone
Relacionado con	The Beatles
Tempo en activo	1959-1962
Na rede
http://stuartsutcliffeart.com
[ editar datos en Wikidata ]

Traxectoria

Primeiros anos

O pai de Sutcliffe, Carlos Sutcliffe (1905 - 1966) foi un alto funcionario, que se trasladou a Liverpool para axudar nas labores da guerra en 1943 e logo asinou como enxeñeiro dun barco facéndose ao mar nos primeiros anos da vida do seu fillo. A súa nai, Millie, era profesora dunha escola para nenos. Sutcliffe tiña dúas irmás máis novas, Pauline e Joyce.

Sutcliffe, (quen foi integrado á banda só por que esta tiña a imperiosa necesidade de posuír un baixista) naceu no Simpson Memorial Maternity Pavilion Hospital, en Edimburgo, Escocia, e despois a súa familia mudouse ao sur, foi criado no 37 Aigburth Drive en Liverpool

Foi amigo íntimo de John Lennon motivo polo cal entrou no grupo en 1959. Segundo conta Paul McCartney cando Stuart vendeu unha das súas pinturas en 1959 por 65 libras, John e Paul convencérono de comprar con ese diñeiro un baixo eléctrico de fabricación alemána marca Höfner, o cal moi dificilmente sabía tocar, e unirse á banda. Dise que o usaba máis por estética que por interese xenuíno en ser músico; segundo Paul "era mellor ter un baixista que non sabía tocar que non ter baixista". Nalgunhas das primeiras fotos do grupo, cando aínda eran descoñecidos, pódeselle ver tocando de costas ao público para ocultar a súa falta de práctica. En realidade o seu interese por ser parte dunha banda de Rock & Roll, ademais da súa amizade con John, era o de reforzar a súa imaxe de "bohemio" no instituto.

É neses inicios da banda cando se dá a achega humorística de Stuart para a creación do termo Beatles (os que fan música beat), xunto con Lennon, aproveitando o xogo de palabras que resultaba de "Beetles" (Escarabellos), parecido ao nome do grupo de Buddy Holly "Crickets" (Grilos). Xorde así na súa etapa inicial o grupo "Long John and the Silver Beatles", que posteriormente sería soamente "The Silver Beatles" e finalmente o nome co que pasarían á historia, The Beatles.

Logo de tocar unha noite no Litherland Town Hall, no norte de Liverpool, os "Silver Beatles" foron sorprendidos mentres saían coa súa camioneta. Na pelexa, Stu resultou golpeado e pateado na cabeza. Esa lesión repercutirá en Stuart máis tarde. En 1961 o grupo realizara a súa segunda xira por Hamburgo, Alemaña, e ao final a banda regresa a Liverpool, menos Stuart, quen decide quedar máis tempo para desenvolver máis a súa inclinación pola pintura. Nesa época, Stu comezara unha relación sentimental coa fotógrafa alemá Astrid Kirchherr (inspiradora do famoso peiteado "Mop Top") que tamén era moi boa amiga do grupo. En xullo, decidiu deixar a banda.

Morte

O 10 de abril do ano seguinte, 1962, morreu a consecuencia dunha hemorraxia cerebral, contando apenas con 21 anos. Xusto na véspera da terceira xira do grupo por esa cidade e días despois do lanzamento do primeiro sinxelo de The Beatles "Love Me Do".

Ligazóns externas

• Páxina oficial de Stuart Sutcliffe