Stockard Channing

Susan Antonia Williams Stockard, nada en Nova York o 13 de febreiro de 1944, é unha actriz estadounidense coñecida como Stockard Channing. Foi candidata aos premios Óscar e aos Globos de Ouro e gañou tres premios Emmy e un premio Tony.

Stockard Channing

Biografía
Nacemento	(en) Susan Antonia Williams Stockard 13 de febreiro de 1944 (80 anos) Nova York, Estados Unidos de América
Datos persoais
Residencia	Nova York
País de nacionalidade	Estados Unidos de América
Educación	Radcliffe College (pt) HB Studio Universidade Harvard Madeira School (en)
Actividade
Lugar de traballo	Estados Unidos de América
Ocupación	actriz de dobraxe , actriz de cinema , actriz de teatro , actriz de televisión
Período de tempo	Século XXI
Período de actividade	1969 -
Lingua	Lingua inglesa
Familia
Cónxuxe	David Debin (1976–1980) Paul Schmidt (en) (1970–1976) Walter Channing Jr. (pt) (1963–1967)
Premios (2003)  Lucy Award (en) (2003)  premiadas e indicadas pelo Screen Actors Guild para melhor atriz em minissérie ou filme para televisão (pt) , premiado polo traballo The Matthew Shepard Story (pt) (2003)  GLAAD Golden Gate Award (en) (2002)  Primetime Emmy Award Melhor Atriz Coadjuvante em Minissérie ou Filme (pt) , premiado polo traballo The Matthew Shepard Story (pt) (2002)  Primetime Emmy Award de melhor atriz coadjuvante em série dramática (pt) , premiado polo traballo The West Wing (pt) (2002)  premiados e indicados pelo Screen Actors Guild para melhor elenco de série dramática (pt) , premiado polo traballo The West Wing (pt) (2002)  London Film Critics Circle Award for Actress of the Year (en) , premiado polo traballo The Business of Strangers (pt) (1988)  Drama Desk Award for Outstanding Actress in a Play (en) (1985)  Tony Award for Best Actress in a Play (en)  Daytime Emmy Awards (pt)

Traxectoria

Stockard Channing naceu en Nova York, filla de Lester Napier Stockard, un magnate navegante, e de Mary Alice English. Creceu no Upper East Side e fíxose acredora da fortuna do seu pai cando este faleceu en 1950. Foi alumna de The Chapin School, unha prestixiosa escola para rapazas de Manhattan, e posteriormente de The Madeira School en Virxinia. Channing estudou despois historia e literatura no Radcliffe College e graduouse en 1965. Casou co seu primeiro mozo, Walter Channing, cando tiña 19 anos. Del tomou o seu nome artístico "Stockard Channing", mesmo despois do seu divorcio.

Channing comezou a súa carreira como actriz coa compañía experimental Theatre Company de Boston, coa que interpretou a obra de off-Broadway Adaptation/Next. En 1971, debutou en Broadway con Two Gentlemen of Verona, de John Guare. Channing apareceu por primeira vez na televisión en Sesame Street e posteriormente conseguiu un papel protagonista en 1973 no telefilme The Girl Most Likely To..., unha comedia negra escrita por Joan Rivers.

Logo dunha serie de pequenas interpretacións en filmes, Channing coprotagonizou xunto a Warren Beatty e Jack Nicholson o filme de Mike Nichols The Fortune (1975). Porén, foi en 1978, aos 33 anos de idade, cando conseguiu o papel que a lanzou á fama: a moza Betty Rizzo no filme musical Grease. Este papel valeulle o premio á actriz secundaria favorita nos People's Choice Awards. Ese mesmo ano interpretou a secretaria de Peter Falk en The Cheap Detective.

Channing protagonizou dúas sitcoms para a CBS entre 1979 e 1980: Stockard Channing in Just Friends e The Stockard Channing Show. Tras un par de experiencias pouco produtivas en Hollywood, Channing volveu ao teatro. Despois de triunfar coa obra de Broadway, They're Playing Our Song (1980-81), repetiu éxito como nai na obra de Peter Nichols A Day in the Death of Joe Egg. Por esta obra gañou o Tony á mellor actriz. Continuou o seu regreso de éxito aos escenarios traballando novamente con John Guare. De feito, recibiu dúas candidaturas máis aos Tony polo seu traballo nas obras The House of Blue Leaves (1986) e Six Degrees of Separation (1990), polo que ademais gañou o Obie Award. Channing alternou o seu traballo na televisión e foi candidata ao Emmy pola miniserie da CBS Echoes in the Darkness (1987) e gañou o CableACE Award polo seu traballo en Tidy Endings (HBO, 1988).

A carreira cinematográfica de Channing deu un xiro en 1993 cando foi candidata ao Óscar e aos Globos de Ouro pola súa interpretación dunha marchante de arte do Upper East Side en Six Degrees of Separation. A partir de aí, os papeis en Hollywood multiplicáronse con títulos como To Wong Foo, Thanks for Everything! Julie Newmar (con Patrick Swayze) e Smoke (con Harvey Keitel) (1995), un pequeno cameo en The First Wives Club, Up Close & Personal (con Robert Redford e Michelle Pfeiffer), e Moll Flanders (1996).

Channing tamén tivo múltiples ofertas de televisión e teatro. Protagonizou o telefilme de USA Network An Unexpected Family e a súa secuela An Unexpected Life, en 1998. Foi candidata aos Independent Spirit Award como mellor actriz secundaria polo seu traballo como unha muller estéril en The Baby Dance (1998). Ademais, no teatro, trabalou no Lincoln Center na obra de Tom Stoppard Hapgood (1995) e na adaptación de 1997 da obra de Lillian Hellman The Little Foxes. Durante este período, puxo a voz á personaxe de Barbara Gordon na serie Batman Beyond, e apareceu nun episodio da serie King of the Hill.

En 1999, Stockard Channing aceptou o papel da primeira dama Abbey Bartlet na serie da NBC The West Wing. Comezou como estrela convidada nas dúas primeiras temporadas, mais converteuse en regular en 2001. Na sétima e última temporada (2005-2006), apareceu só en seis episodio porque xa estaba a coprotagonizar a sitcom da CBS Out of Practice, xunto a Henry Winkler.

Channing recibiu diferentes premios en 2002. Entre eles o Emmy como actriz secundaria por The West Wing. Ese mesmo ano, gañou outro Emmy e o Premio do Sindicato de Actores pola súa interpretación de Judy Sheppard en The Matthew Shepard Story, un docudrama sobre a vida e o asasinato de Matthew Shepard. Finalmente, en 2002 recibiu o London Film Critics Circle Award polo seu traballo en The Business of Strangers.

Filmografía

• Anatomía dun hospital (1971), de Arthur Hiller
• Up the Sandbox (1972), de Irvin Kershner
• The Girl Most Likely To... (1973), de Lee Philips
• The Fortune (1975), de Mike Nichols
• Sweet Revenge (1976), de Jerry Schatzberg
• The Big Bus (1976), de James Frawley
• Grease (1978), de Randal Kleiser
• The Cheap Detective (1978), de Robert Moore
• The Fish That Saved Pittsburgh (1979), de Gilbert Moses
• Safari 3000 (1982), de Harry Hurwitz
• Without a Trace (1983), de Stanley R. Jaffe
• Heartburn (1986), de Mike Nichols
• The Men's Club (1986), de Peter Medak
• A Time of Destiny (1988), de Gregory Nava
• Staying Together]] (1989), de Lee Grant
• Meet the Applegates (1991), de Michael Lehmann
• Married to It (1991), de Arthur Hiller
• Bitter Moon (1992), de Roman Polanski
• Six Degrees of Separation (1993), de Fred Schepisi
• David’s Mother (1994), de Robert Allan Ackerman
• Smoke (1995), de Wayne Wang
• To Wong Foo, Thanks for Everything! Julie Newmar (1995), de Beeban Kidron
• Up Close & Personal (1996), de Jon Avnet
• Moll Flanders (1996), de Pen Densham
• The First Wives Club (1996), de Hugh Wilson
• The Prosecutors (1996), de Rod Holcomb
• Lily Dale (1996), de Peter Masterson
• Practical Magic (1998), de Griffin Dunne
• An Unexpected Life (1998), de David Jones
• The Baby Dance (1998), de Jane Anderson
• Twilight (1998), de Robert Benton
• Lulu on the Bridge (1998), de Paul Auster
• The Venice Project (1999), de Robert Dornhelm
• Other Voices (2000), de Dan McCormack
• Isn't She Great (2000), de Andrew Bergman
• Where the Heart Is (2000), de Matt Williams
• The Truth About Jane (2000), de Lee Rose
• The Business of Strangers (2001), de Patrick Stettner
• Life or Something Like It (2002), de Stephen Herek
• Behind the Red Door]] (2002), de Matia Karrell
• Bright Young Things (2003), de Stephen Fry
• Confessions of an Ugly Stepsister (2002), de Gavin Millar
• Le Divorce (2003), de James Ivory
• Anything Else (2003), de Woody Allen
• Abby Singer (2003, cameo)
• Hitler: The Rise of Evil'' (2003), de Christian Duguay
• Red Mercury (2005), de Roy Battersby
• Must Love Dogs (2005), de Gary David Goldberg
• 3 Needles (2005), de Thom Fitzgerald
• Out of Practice (2005-2006)
• The West Wing (1999-2006)
• Sparkle (2007)
• Sundays at Tiffany's (2010)
• Pulling Strings (2013), de Pedro Pablo Ibarra

Véxase tamén

Ligazóns externas

• Stockard Channing Entrevista de Craig Gholson Arquivado 14 de maio de 2013 en Wayback Machine. en Bomb (inverno de 1989)