Stephanie Williams
Stephanie Turco Williams é unha diplomática estadounidense.[1] Desempeñou as súas funcións diplomáticas nas Embaixadas dos Estados Unidos en Bahrein, Xordania, Iraq e Libia.
  | |
| Biografía | |
|---|---|
| Datos persoais | |
| País de nacionalidade | Estados Unidos de América |
| Educación | Universidade de Maryland Center for Contemporary Arab Studies (en)  National War College (pt) |
| Actividade | |
| Ocupación | diplomática |
| Empregador | ONU |
 | |
A partir de xullo de 2018, exerceu o cargo de Xefa Adxunta da UNSMIL, a Misión de Nacións Unidas en Libia. Posto que o cargo de Xefe da Misión e Representante Especial do Secretario Xeral da ONU quedou vacante desde o 3 de marzo de 2020 trala dimisión de Ghassan Salamé, Williams exerceu na práctica como a máxima coordinadora da Misión da ONU para Libia durante os meses seguintes.[2]
Williams é responsable de coordinar un alto o fogo e o chamado Foro para a Paz Libia, un dos avances máis significativos no conflito tras anos de guerra.[3] Grazas ás negociacións coordinadas por Williams, en febreiro de 2021, este Foro para a Paz puido alcanzar o consenso para seleccionar un novo Consello Presidencial de tres membros e un novo Primeiro Ministro, que en marzo de 2021 estaban pendentes de obter a ratificación da Cámara de Representantes de Libia.
En xaneiro de 2021, o Secretario Xeral de Nacións Unidas designou como o seu novo Representante Especial para Libia ao diplomático e exministro eslovaco Ián Kubis, que tomou posesión do seu cargo e desprazouse a Libia en febreiro do mesmo ano.
Notas editar
- ↑ Najjair, Houssam (2018-06-28). "Top US diplomat in Libya calls for withdrawal of armed groups from oil crescent". The Libya Observer. Arquivado dende o orixinal o 2020-01-17. Consultado o 2020-01-17.
- ↑ "Ghassan Salamé, le médiateur de l’ONU pour la Libye, démissionne". Le Monde.fr (en francés). 2 de marzo de 2020. Consultado o 3 de marzo de 2020.
- ↑ "UNSMIL Statement on the resumption of intra-Libyan political and military talks". 2020-10-10. Arquivado dende o orixinal o 18 de outubro de 2020. Consultado o 2020-10-18.