St Andrews

St Andrews, (en latín: S. Andrea(s); en scots: Saunt Aundraes; en escocés: Cill Rìmhinn) situada na costa leste de Escocia, no condado de Fife, é unha das cidades máis antigas e historicamente importantes de Escocia, malia o seu reducido tamaño. Nela atópase a Catedral de St Andrews, no presente derruída (que no seu tempo foi a máis grande de Escocia), un castelo, igualmente derruído, e unha das universidades máis antigas e prestixiosas do Reino Unido. Ademais, St Andrews é considerado como "o berce do golf", xa que nela atópanse o Royal and Ancient Golf Club of St Andrews -o club de golf máis antigo do mundo- e o Old Course de St Andrews, tamén un dos campos máis antigos.

St Andrews

Epónimo	Catedral de St Andrews
Localización
56°20′20″N 2°47′56″O
Estado	Reino Unido
País	Escocia
Concello	Fife, Escocia
Poboación
Poboación	17.580 (2016)
Xeografía
Altitude	24 m
Datos históricos
Evento clave 1546 (Gregoriano) Siege of St Andrews Castle (en)
Identificador descritivo
Código postal	KY16
Fuso horario	UTC±00:00
Prefixo telefónico	01334
Outro
Irmandado con	Loches
Sitio web	standrews.org.uk

Historia

Catedral de St Andrews.

Os primeiros asentamentos que se localizaron no actual St Andrews pertencen ós pictos, quen o denominaban Kilrymont ou Muckross. A lenda di que San Régulo trouxo até aquí as reliquias de Santo André, patrón de Escocia.

St Andrews recibiu o estatuto de "cidade real" (royal burgh) en 1124, e transformouse en arcebispado en 1466. A súa catedral comezou a construírse no século XII, pero non se concluíu até 1318, durante o reinado de Roberto I de Escocia. Naquel momento era o edificio máis grande de Escocia, e St Andrews, con máis de 14.000 habitantes no século XVI, unha das cidades costeiras máis importantes ó norte de Edimburgo.

Porén, durante a violenta Reforma relixiosa do século XVI, a catedral foi saqueada e quedou en ruínas, e a cidade perdeu gran parte do seu poder e influencia, quedando practicamente arruinada.

No presente, a cidade de St Andrews consta dun pequeno núcleo histórico, constituído principalmente por catro rúas (South Street, Market Street, North Street e The Scores), e unha ampla extensión de vivendas modernas destinadas principalmente ó persoal e os estudantes da Universidade de St Andrews, así como ós xogadores e afeccionados ó golf.

Véxase tamén

Bibliografía

• Lamont-Brown, Raymond (2002). John Donald, ed. Fife in History and Legend. Edimburgo. ISBN 0-85976-567-9. 
• Lamont-Brown, Raymond (2006). St Andrews:city by the northern sea. Edinburgh: Birlinn Publishing. ISBN 1-84158-450-9. 
• Omand, Donald (2000). The Fife Book. 
• Pride, Glen L. (1999). The Kingdom of Fife (2nd ed.). Edimburgo: Rutland Press. ISBN 1-873190-49-2. 

Outros artigos

• Sartego de St Andrews

Ligazóns externas

• Páxina oficialArquivado 17 de xaneiro de 2012 en Wayback Machine. (en inglés)