Sociedad Deportiva de Remo Astillero

A Sociedad Deportiva de Remo Astillero é un club de remo da localidade de El Astillero, Cantabria (España) fundado por José del Castillo en 1966 e que ten acadado importantes éxitos ao longo da súa historia. Dende a súa fundación ten disputado regatas en tódalas categorías e modalidades de banco fixo (traiñeiras, traiñeiriñas e bateis) e mesmo de banco móbil no Estado español e en Europa. O seu palmarés é moi extenso e cómpre salientar a consecución de dúas Bandeiras da Concha en Donostia (País Vasco), 8 Campionatos de España de Traiñeras e diversas regatas de grande importancia como a Bandeira de Santander. Actualmente compite na Liga San Miguel, a máxima competición de clubs de remo do mar Cantábrico.

A SDR Astillero no 2005.

O 1 de maio do 2011, Astillero volveu converterse en campión de España de bateis na proba disputada en Ferrol (Galiza).

Historia

Bandeira Bansander 2003.

O 29 de xuño de 1966 aparecía en El Diario Montañés unha entrevista co presidente da Federación Cántabra de Remo Ramón Díez Velasco, asinada por Enrique Alonso e Ortíz Tercilla, que entroutras cosas, apuntaba:

A este respecto hei de decirche, que o Alcalde de Astillero, D. Leopoldo Pérez, vai iniciar, ou ten iniciado xa, xestións encamiñadas a formar unha tripulación a base de Pontejos, Astillero e a Austríaca.

Esta é a primeira referencia escrita sobre a constitución da S.D. de Remo Astillero.

Dende o club resumen a súa historia e idiosincrasia coa seguinte frase:

Somos o que fomos. O pasado é un trampolín que nos guinda cara o futuro, sen deixar de recoñecer que sempre seremos debedores dos nosos antecesores- Ortega y Gasset

No ano 2003 proclamouse campión da Liga San Miguel na súa primeira edición, repetindo título no 2005 con polémica engadida. Na tempada 2009 Astillero regresou á Liga ACT logo de gañar a Liga ARC e lograr o ascenso nos Play-Offs ante Donibane e Samertolameu.

Polémica arredor da SDR Astillero

Durante a tempada 2005 Astillero recuperou a hexemonía e conquistou o trofeo da Corona ACT que se acababa de instaurar. Mais o seu dominio na auga viuse ensombrecido por unha serie de sucesos extradeportivos.

Trala disputa da edición do 2005 da Bandeira Telefónica en augas de Hondarribia, o equipo de Astillero foi retido pola Ertzaintza. A negativa dalgúns dos remeiros a responder ata que chegase o avogado do club levou ao Goberno Vasco a prohibir á traiñeira cántabra remar en augas vascas. A prohibición foi duramente criticada polo Presidente de Cantabria, veciño de Astillero, quen chegou a acusar ao Goberno Vasco de "organización terceiromundista, ou o que é peor, ditatorial" e aos vascos de "crerse os inventores do remo e ao perder a bandeira da Concha actuar como se lles arrebataran a árbore de Gernika" (isto último trala sanción a Pedreña na Concha dese mesmo ano).

A xustiza deixou a prohibición en suspenso en setembro do 2006 con motivo da disputa da Bandeira da Concha. En xaneiro do 2008, o Tribunal Superior de Xustiza do País Vasco deu a razón ao club de Astillero, pero para entón a ACT xa decidira expulsar ó club da asociación (xuño de 2006).

O motivo oficial foi o atraso dos cántabros á hora de presentar a documentación exixida (estes á súa vez negáranse a facelo por considerarla abusiva). O motivo de fondo era a desconfianza creada no resto de clubs polo uso masivo de substancias prohibidas baixo a fórmula de Autorización para uso terapéutico (AUT) e polas "constantes negativas e trabas presentadas de xeito continuado dende a SDR Astillero para que os seus remeiros colaborasen no esclarecemento dos feitos".

Como represalia pola sanción, Astillero secuestrou o trofeo de campión que debería ter devolto ao comezo da temporada 2006, sendo por iso levado aos tribunais. Por estes motivos, o campión do 2005 non puido defender o seu título no 2006 (onde o substituíu Laredo) nin participar en ningunha das bandeiras organizadas pola ACT. No 2008 reincorporouse á competición, debendo comezar dende as categorías inferiores (Liga ARC) e non regresando á Liga ACT ata o 2010.

No 2009 o Tribunal Superior de Xustiza do País Vasco sentenciou que o Goberno Vasco non ten competencias antidopaxe, no 2008 xa foran absoltos os remeiros de Astillero, aínda que non se pronunciou nese aspecto, co que se supón que non ocorrerán máis casos destes.

Palmarés

Bandeira Hipercor 2013

Campionatos estatais

• 8 Campionatos de España de Traiñeiras: 1972, 2000, 2002, 2003, 2004, 2005, 2006 e 2008.
• 2 Campionatos de España de Traiñeiriñas.
• 6 Campionatos de España de Bateis.
• 3 Campionatos de España de Remo Olímpico 8+ ABM.
• 2 Copas do Xeneralísimo: 1971 e 1972.
• 2 Ligas San Miguel: 2003 e 2005.
• 1 Xogos do Cantábrico: 1973.

Campionatos rexionais

• 16 Campionatos de Cantabria de Traiñeiras: 1967, 1970, 1971, 1973, 1976, 1978, 1983, 1998, 1999, 2000, 2003, 2004, 2005, 2006, 2008 e 2009.
• 7 Campionatos de Cantabria de Traiñeiriñas.
• 10 Campionatos de Cantabria de Bateis.
• 4 Campionatos de Cantabria de Remoergómetro.
• 1 Trofeo El Diario Montañés: 2003.

Bandeiras

• 5 Bandeiras de Santander: 1970, 1971, 1972, 1998 e 2008.
• 1 Regata 50º aniversario Pedreña: 1970.
• 2 Grandes Premios do Nervión: 1971 e 1972.
• 2 Trofeos Príncipe de Asturias: 1971 e 1972.
• 5 Bandeiras de Santoña: 1971, 1972, 1975, 1976 e 1998.
• 13 Grandes Premios Concello de Astillero: 1971, 1972, 1975, 1976, 1978, 1998, 1999, 2000, 2002, 2004, 2005, 2008 e 2009.
• 5 Bandeiras Marina de Cudeyo: 1971, 1978, 1983, 1998 e 2005.
• 2 Bandeiras Pasaxes de San Pedro: 1972 e 2005.
• 1 Bandeira de Beraún: 1972.
• 1 Regata Pro-Remeiros Orio: 1972.
• 1 Bandeira Damificados Jaizkibel: 1972.
• 1 Homenaxe Póstumo Xabier Barandiaran: 1972.
• 1 Trofeo Finanzauto: 1973.
• 3 Bandeiras Cidade de Castro Urdiales: 1975, 2003 e 2009.
• 2 Bandeiras de Zarautz: 1976 e 2003.
• 1 Bandeira de Laredo: 1976.
• 9 Bandeiras Sotileza: 1978, 1982, 1994, 2002, 2004, 2005, 2006, 2008 e 2011.
• 6 Bandeiras do Real Astillero de Guarnizo: 1982, 1999, 2004, 2005, 2008 e 2009.
• 1 Bandeira de Koxtape: 1998.
• 1 Bandeira do Goberno Rexional: 1998.
• 5 Bandeiras de La Rioja: 1999, 2000, 2004, 2005 e 2009.
• 7 Bandeiras Bansander: 1999, 2001, 2003, 2004, 2005, 2006 e 2010.
• 2 Bandeiras de Ondarroa: 1999 e 2009.
• 1 Gran Premio Metavi: 1999.
• 1 Trofeo S.D. de Remo Astillero: 1999.
• 1 Bandeira de Getxo: 2000.
• 3 Bandeiras Flaviobriga: 2000, 2002 e 2003.
• 3 Bandeiras Hipercor: 2000, 2003 e 2004.
• 1 Bandeira da Sociedad Deportiva de Remo Castro Urdiales: 2000.
• 1 Bandeira FerroAtlántica: 2000.
• 1 Bandeira de Pontejos: 2000.
• 2 Bandeiras de Hondarribia: 2002 e 2005.
• 2 Bandeiras da Concha: 2003 e 2004.
• 5 Bandeiras Caja Cantabria: 2003, 2004, 2005, 2008 e 2009.
• 2 Bandeiras de Pereira-Tirán: 2003 e 2004.
• 1 Bandeira Concello do Boiro: 2003.
• 2 Bandeiras SDR Pedreña: 2003 e 2005.
• 2 Bandeiras BBK- El Correo: 2003 e 2005.
• 1 Bandeira Concello do Grove: 2003.
• 2 Bandeiras de Orio: 2003 e 2008.
• 1 Bandeira ONO: 2003.
• 1 Bandeira PRC: 2003.
• 2 Bandeiras Telefónica: 2003 e 2005.
• 1 Bandeira BBK-Nervión: 2003.
• 2 Bandeiras de Lekeitio: 2004 e 2005.
• 2 Bandeiras de Bermeo: 2004 e 2005.
• 1 Bandeira Eibar Inmobiliario/Orio: 2004.
• 2 Bandeiras Puerto de Pasajes: 2004 e 2005.
• 1 Bandeira Tierra de Jubileo: 2004.
• 1 Bandeira de Plentzia: 2005.
• 2 Bandeiras de Trintxerpe: 2005 e 2008.
• 1 Bandeira Concello Vigo: 2005.
• 2 Bandeiras Outón Fernández: 2005 e 2008
• 1 Bandeira El Corte Inglés: 2005.
• 1 Trofeo Campións Lekeitio: 2005.
• 1 Bandeira Ayuntamiento de Gozón: 2008
• 1 Bandeira de La Maruca: 2008
• 1 Bandeira de San Juan de Luz: 2008
• 1 Bandeira Areatako: 2008
• 2 Bandeira Festa do Ollomol: 2008 e 2009
• 1 Bandeira de Errenteria: 2008.
• 1 Bandeira de Algorta-Getxo: 2008.
• 1 Bandeira Vila de Bilbao: 2008.
• 1 Bandeira Ría do Asón: 2008.
• 1 Bandeira de Erandio: 2008.
• 1 Bandeira de San Vicente de la Barquera: 2008.
• 1 Bandeira de Santurtzi: 2009.
• 1 Bandeira de Elanchove: 2009.
• 1 Contra o reloxo de Astillero: 2009.
• 1 Bandeira de Camargo: 2009.
• 1 Bandeira Petronor: 2009.
• 1 Bandeira Noble Vila de Portugalete: 2009.
• 1 Bandeira Pasaia: 2009.
• 1 Bandeira de Kaiku: 2010.
• 2 Contra o reloxo El Socorro: 2010 e 2011.
• 1 Memorial Luis Valdueza.

Véxase tamén

Ligazóns externas

• Sitio web oficial da SDR Astillero Arquivado 03 de setembro de 2011 en Wayback Machine. (en castelán)
• Infomación do club na páxina da Liga ACT Arquivado 01 de novembro de 2012 en Wayback Machine. (en galego)