Shin Chan: Na procura das bólas perdidas
Shin Chan: Na procura das bólas perdidas (クレヨンしんちゃん 暗黒タマタマ大追跡 Crayon Shin-chan Ankoku Tamatama Daitsuiseki?) é un filme de animación baseado no anime Shin Chan. No Xapón, a estrea deste filme produciuse nos cinemas o 19 de abril do 1997.
| Shin Chan: Na procura das bólas perdidas | |
|---|---|
| Ficha técnica | |
| Título orixinal | クレヨンしんちゃん 暗黒タマタマ大追跡 |
| Director | Keiichi Hara |
| Guión | Keiichi Hara |
| Música | Toshiyuki Arakawa Shinji Miyazaki |
| Estudio | Shin Ei Animation |
| Distribuidora | Luk Internacional (Galicia) |
| Estrea | 1997 |
| Duración | 95 minutos |
| Orixe |  Xapón |
| Xénero | Animación |
| Filme seguinte | Shin Chan: A invasión |
| Na rede | |
   | |
En galego, estreouse nos cinemas o 27 de xuño do 2003 e saíu á venda en DVD o 5 de novembro do mesmo ano.
Sinopse editar
As bólas perdidas son uns obxectos cun gran poder que, reunidos, poden desatar o caos no mundo. Dúas bandas rivais - os Perendengues e os Mariolas - buscan facerse co control das bólas. Os primeiros queren invocar ao Maligno e os segundos pretenden evitar que o mal se estenda por tódolos sitios.
Unha casualidade fai que unha das bólas chegue ás mans de Shin Chan, o que provoca que a súa familia se teña que aliar cunha aprendiz de policía sen sentido da puntaría e coa banda dos Mariolas, formada por tres estrambóticos travestís. A banda dos Perendengues está formada por unhas ximnastas sen escrúoulos armadas con cintas letais de ximnasia rítmica que están comandadas por unha anciá e por un tipo moi misterioso. A fuxida levaráos a un peculiar bar de copas, a uns baños públicos e ao parque de atraccións abandonado dos Mariolas.
Alí, un grupo de samurais decrépitos defenderá o honor dos Mariolas e tentará evitar que o tipo misterioso reúna as dúas bólas, invoque ao maligno e controle o destino do planeta. Pero cando parece que o mundo está condenado, xorde alguén impredicible quen de estragar calquera proxecto... O mesmiño Shin Chan!
Dobraxe editar
- Estudio: SODINOR S.A.
- Data: 2003.
- Dirección: Alfonso Valiño.
- Tradución: María Alonso Seisdedos.
- Elenco da dobraxe:
| Personaxe | Actor de dobraxe |
Actor orixinal
|
|---|---|---|
| Shin Chan Nohara | Ana Lemos | Akiko Yajima |
| Misae Nohara | Charo Pena | Miki Narahashi |
| Hiroshi Nohara | Matías Brea | Keiji Fujiwara |
| Rosa | Antón Olmos | Daisuke Gori |
| Lima | Antón Ja | Shinya Ootaki |
| Lavanda | César Cambeiro | Kaneto Shiozawa |
| Raíña dos Perendengues | Ana Maciñeiras | Keiko Yamamoto |
| Satake | Carlos Reboreda | Fumihiko Tashiki |
| Hecson | Luís Iglesia | Jun Azumi |
| Maho | Beatriz García | Saeko Shimazu |
| Ione | Isabel Vallejo | Yuriko Yamamoto |
| Himawari | Helena Amoedo | Satomi Korogi |
| Nai de Rosa | Lucía Cid | Ako Mayama |
| Debuxante | Manuel Pombal | Yoshito Usui |
| Kazama | Teresa Santamaría | Mari Mashiba |
| Nene | Montse Davila | Tamao Hayashi |
| Boo-chan | Alicia Taboada | Chie Sato |
| Señorita Yoshinaga | Nora Abad | Yumi Takada |
| Señorita Matsuzaka | Beatriz García | Michie Tomizawa |
| Director "Mafioso" | Alfonso Valiño | Rokuro Naya |
- Voces adicionais:
- ▪ Andrés Bellas.
- ▪ Xoán Diéguez.
- ▪ Antonio Mourelos.
- ▪ Paco Barreiro.
Música editar
A canción empregada na versión orixinal como tema de peche é エンディング (A canción de Himawari) interpretada por Kazuo Kaitsu. Non obstante, na versión galega, optouse por substituír este tema polo segundo peche da serie, é dicir, polo tema interpretado por Teresa Santamaría, chamado Ven comigo a esta festa.