Shakuntala Devi
Shakuntala Devi, nada en Bangalore o 4 de novembro de 1929 e finada na mesma cidade o 21 de abril de 2013, foi unha matemática, escritora e calculista mental india, coñecida popularmente como o "ordenador humano". Devi esforzouse por simplificar os cálculos numéricos para os estudantes.[1][2][3][4][5] O seu talento valeulle un posto na edición de 1982 do Libro Guinness dos Récords.[6][2][3][7] Non obstante, o certificado para o rexistro entregouse a título póstumo o 30 de xullo de 2020, a pesar de que Devi acadou o seu récord mundial o 18 de xuño de 1980 no Imperial College de Londres. Devi foi unha nena precoz e demostrou as súas habilidades aritméticas na Universidade de Mysore sen ningunha educación formal.[6][3]
  | |
| Biografía | |
|---|---|
| Nacemento | 4 de novembro de 1929 Bangalore, India |
| Morte | 21 de abril de 2013 (83 anos) Bangalore, India |
| Datos persoais | |
| País de nacionalidade | India (1950–) Dominio da India (1947–1950) Raj Británico (–1947) |
| Relixión | Hinduísmo |
| Actividade | |
| Ocupación | matemática , escritora , astróloga , calculadora humana (pt)  |
| Lingua | Lingua kanaresa e lingua inglesa |
 | |
Devi escribiu varios libros nos seus últimos anos, incluídas novelas e textos sobre matemáticas, crebacabezas e astroloxía. Escribiu tamén The World of Homosexuals, que se considera o primeiro estudo sobre a homosexualidade na India.[8][9] Ela viu a homosexualidade dende un prisma positivo e foi considerada unha pioneira no campo.[8]
Traxectoria editar
Primeiro anos editar
Shakuntala Devi naceu en Bangalore (Karnataka)[2][3] nunha familia brahmán kannada.[10][7] O seu pai, C V Sundararaja Rao,[11] traballou como trapecista, domador de leóns, funambulista e mago nun circo.[2][3][12][6][5][13] Descubriu a capacidade da súa filla para memorizar números mentres lle ensinaba un truco de cartas cando tiña uns tres anos.[6][2][5] O seu pai deixou o circo e levouna a espectáculos de estrada en que demostraba a súa capacidade de cálculo.[2] Fíxoo sen ningunha educación formal.[6][3] Á idade de seis anos demostrou as súas habilidades aritméticas na Universidade de Mysore.[2][3]
En 1944 Devi mudouse a Londres.[14][15]
Cálculo mental editar
Devi viaxou a varios países do mundo demostrando o seu talento aritmético. Estivo de xira por Europa ao longo de 1950 e estivo en Nova York en 1976. [2] En 1988 viaxou aos Estados Unidos para que as súas habilidades fosen estudadas por Arthur Jensen, profesor de psicoloxía educativa na Universidade de California, Berkeley. Jensen probou o seu desempeño en varias tarefas, incluído o cálculo de grandes cantidades. Exemplos dos problemas presentados a Devi incluíron o cálculo da raíz cúbica de 61 629 875 e a raíz sétima de 170 859 375.[3][4] Jensen informou de que Devi proporcionou a solución aos problemas mencionados (395 e 15, respectivamente) antes de que Jensen puidese copialos no seu caderno.[3][4] Jensen publicou os seus descubrimentos na revista académica Intelligence en 1990.[3][4][16]
En 1977, na Southern Methodist University, deu a raíz vixésimo terceira dun número de 201 díxitos en 50 segundos.[6][4] A súa resposta, que foi de 546 372 891, foi confirmada polos cálculos feitos na Oficina de Normas dos Estados Unidos pola computadora UNIVAC 1101, para os que houbo que escribir un programa especial para realizar un cálculo tan grande, que tardou máis tempo que facer.[17]
O 18 de xuño de 1980, demostrou a multiplicación de dous números de 13 díxitos: 7 686 369 774 870×2 465 099 745 779. Estes números foron elixidos ao azar polo Departamento de Computación do Imperial College de Londres. Ela respondeu correctamente 18 947 668 177 995 426 462 773 730 en 28 segundos.[2][3] Este evento incluíuse no Guinness World Records de 1982.[2][3] O escritor Steven Smith comentou: "o resultado é moi superior a todo o que se informou anteriormente que só se pode describir como incrible".[17] Nunha entrevista de 2009, Devi recordou a Indira Gandhi, que lle dixo "Shakuntala, recorda que teño moitos embaixadores en todo o mundo, mais ti es unha embaixadora moi especial porque es unha embaixadora itinerante, unha embaixadora matemática, que pode gañar amigos para a India e establecer unha estreita relación entre país e país".[18]
Shakuntala Devi explicou moitos dos métodos que empregou para facer cálculos mentais no seu libro Figuring: The Joy of Numbers.[19]
Libros sobre homosexualidade editar
En 1977 escribiu The World of Homosexuals, o primeiro estudo académico publicado[8] sobre a homosexualidade na India,[20] polo que foi criticada. No documental For Straights Only, dixo que o seu interese polo tema se debía ao seu matrimonio cun home homosexual e ao seu desexo de ver a homosexualidade máis de preto para entendela.[21]
O libro, considerado "pioneiro",[22] presenta entrevistas con dous mozos homosexuais indios, unha parella masculina no Canadá que buscaba matrimonio legal, un sacerdote do templo que explica as súas opinións sobre a homosexualidade e unha revisión da literatura existente sobre a homosexualidade.[23] Remata cun chamamento á despenalización da homosexualidade e a "plena e completa aceptación, non tolerancia e simpatía".[22] Non obstante, o libro pasou case desapercibido nese momento.[24]
Pasamento editar
En abril de 2013, Devi ingresou nun hospital de Bangalore con graves problemas respiratorios.[6] Durante as dúas semanas seguintes sufriu complicacións cardíacas e renais.[6][2] Morreu no hospital o 21 de abril de 2013[6][2] con 83 anos.[2][3] A súa filla Anupama Banerji está casada con Ajay Abhaya Kumar, con quen ten dúas fillas, e vive en Londres.[25][3][13][26]
Vida persoal editar
Devi regresou á India a mediados dos anos sesenta e casou con Paritosh Banerji,[27] un oficial do servizo administrativo indio de Calcuta.[28] Divorciáronse en 1979 por problemas persoais.[28] En 1980, participou nas eleccións ao Lok Sabha como candidata independente por Mumbai Sur e por Medak en Andhra Pradesh (actualmente en Telangana).[29] En Medak púxose en contra da ex-primeira ministra Indira Gandhi,[30] dicindo que quería "defender a xente de Medak de ser enganada pola señora Gandhi";[31] quedou novena, con 6514 votos (1,47 % dos votos).[32] Devi regresou a Bangalore a principios dos anos oitenta.[28]
Ademais do seu traballo como calculadora mental, Devi foi unha notable astróloga e autora de varios libros, incluídos libros de cociña e novelas.[2][5][13] Comezou escribindo contos e misterios sobre asasinatos e tiña un grande interese pola música.[33]
Legado editar
O 4 de novembro de 2013, Devi foi homenaxeada cun Google Doodle no que sería o seu 84.º aniversario.[34]
En maio de 2019 anunciouse un filme sobre a súa vida titulado Shakuntala Devi.[35][36] Está protagonizada por Vidya Balan no papel principal e conta con Sanya Malhotra, Amit Sadh e Jisshu Sengupta. Producido por Sony Pictures Networks Productions, o filme foi emitido en todo o mundo en Amazon Prime Video o 31 de xullo de 2020.[37][38]
Obras editar
- Astrology for You (New Delhi: Orient, 2005). ISBN 978-81-222-0067-6
- Book of Numbers (New Delhi: Orient, 2006). ISBN 978-81-222-0006-5
- Figuring: The Joy of Numbers (New, ISBN 978-0-06-011069-7, OCLC 4228589
- In the Wonderland of Numbers (New Delhi: Orient, 2006). ISBN 978-81-222-0399-8
- Mathability: Awaken the Math Genius in Your Child (New Delhi: Orient, 2005). ISBN 978-81-222-0316-5
- More Puzzles to Puzzle You (New Delhi: Orient, 2006). ISBN 978-81-222-0048-5
- Perfect Murder (New Delhi: Orient, 1976), OCLC 3432320
- Puzzles to Puzzle You (New Delhi: Orient, 2005). ISBN 978-81-222-0014-0
- Super Memory: It Can Be Yours (New Delhi: Orient, 2011). ISBN 978-81-222-0507-7; (Sydney: New Holland, 2012). ISBN 978-1-74257-240-6, OCLC 781171515
- The World of Homosexuals (Vikas Publishing House, 1977), ISBN 978-0706904789[20][39]
Notas editar
- ↑ "Shakuntala Devi strove to simplify maths for students". The Hindu. 21 de abril de 2013. Consultado o 9 de xullo de 2013.
- ↑ 2,00 2,01 2,02 2,03 2,04 2,05 2,06 2,07 2,08 2,09 2,10 2,11 2,12 2,13 Pandya, Haresh (21 de abril de 2013). "Shakuntala Devi, 'Human Computer' Who Bested the Machines, Dies at 83". The New York Times. Consultado o 9 de xullo de 2013.
- ↑ 3,00 3,01 3,02 3,03 3,04 3,05 3,06 3,07 3,08 3,09 3,10 3,11 3,12 3,13 "Obituary: Shakuntala Devi". The Telegraph. 22 de abril de 2013. Arquivado dende o orixinal o 27 de abril de 2013. Consultado o 9 de xullo de 2013.
- ↑ 4,0 4,1 4,2 4,3 4,4 Jensen, Arthur R. (xullo–setembro de 1990). "Speed of information processing in a calculating prodigy". Intelligence (University of California, Berkeley, United States) 14 (3): 259–274. doi:10.1016/0160-2896(90)90019-P. Arquivado dende o orixinal o 04 de novembro de 2013. Consultado o 31 de marzo de 2021.
- ↑ 5,0 5,1 5,2 5,3 "Obituary: India's 'human computer' Shakuntala Devi". BBC News. 22 de abril de 2013. Consultado o 9 de xullo de 2013.
- ↑ 6,0 6,1 6,2 6,3 6,4 6,5 6,6 6,7 6,8 "Shakuntala Devi strove to simplify maths for students". The Hindu. 21 de abril de 2013. Consultado o 9 de xullo de 2013.
- ↑ 7,0 7,1 "'Human computer' Shakuntala Devi dies in Bangalore". Times of India. 21 de abril de 2013. Consultado o 16 de decembro de 2018.
- ↑ 8,0 8,1 8,2 Kole, Subir K (11 de xullo de 2007). "Globalizing queer? AIDS, homophobia and the politics of sexual identity in India". Globalization and Health 3: 8. PMC 2018684. PMID 17623106. doi:10.1186/1744-8603-3-8.: "The first academic book on Indian homosexuals appeared in 1977 (The World of Homosexuals) written by Shakuntala Devi, the mathematics wiz kid who was internationally known as the human computer. This book saw homosexuality in a positive light and reviewed the socio-cultural and legal situation of homosexuality in India and contrasted that with the gay liberation movement then taking place in the USA."
- ↑ Mubarak, Salva (13 de maio de 2019). "Get to know Shakuntala Devi, the woman known as the 'human computer'". Vogue India (Mumbai, India: Dilshad Arora). Consultado o 2 de agosto de 2019.
In 1970s, she wrote The World of Homosexuals, a book that went disappointingly unnoticed at that time, but gained popularity over the years for being one of the earliest studies of our society's understanding of homosexuality.
- ↑ "Science: Numbers Game". Time. 14 de xullo de 1952. Arquivado dende o orixinal o 21 de xullo de 2013. Consultado o 9 de xullo de 2013.
- ↑ "Why Shakuntala's siblings gave up on maths". Deccan Herald (en inglés). 8 de agosto de 2020. Consultado o 2 de setembro de 2020.
- ↑ IBTimes Staff Reporter (22 de abril de 2013). "Math Genius and Guinness Record Holder Shakuntala Devi Passes Away at Age 83". International Business Times. Consultado o 23 de xullo de 2013.
- ↑ 13,0 13,1 13,2 Mishra, Aditi; Jain, Siddarth Kumar (22 da abril de 2013). "She made learning maths as thrilling as magic". The Bangalore Mirror. Consultado o 9 de xullo de 2013.
- ↑ "Remembering Shakuntala Devi, India's 'human computer'". Mid Day (Mumbai, India). 4 de novembro de 2017. Consultado o 21 de abril de 2019.
- ↑ Lohana, Avinash (29 de xaneiro de 2019). "Sanya Malhotra to play Vidya Balan's daughter in Shakuntala". Mumbai Mirror (Mumbai, India). Consultado o 21 de abril de 2019.
- ↑ Cómpre sinalar que existen trucos fáciles para atopar raíces impares de números enteiros. Véxase "Tricks of Lightning Calculators", en Mathematical Carnival, de Martin Gardner, Knoff, 1975 e outras fontes.
- ↑ 17,0 17,1 Smith, Steven Bradley (1983). The Great Mental Calculators: The Psychology, Methods, and Lives of Calculating Prodigies, Past and Present. Columbia University Press. ISBN 0231056400.
- ↑ Shevardnadze, Sophie (19 de xuño de 2009). "Numbers link us all together". RT. Consultado o 24 de xullo de 2020.
- ↑ Devi, Shakuntala (2005). Figuring: The Joy Of Numbers (en inglés). Orient Paperbacks. ISBN 978-81-222-0038-6.
- ↑ 20,0 20,1 Devi, Shakuntala (1977). The World of Homosexuals. Vikas Publishing House. ISBN 9780706904789.
- ↑ "R.I.P. Shakuntala Devi, math-evangelist and ally of the queer community". orinam. 21 de abril de 2013.
- ↑ 22,0 22,1 Ruth Vanita; Saleem Kidwai, eds. (2008). Same-Sex Love in India: A Literary History. Penguin UK. ISBN 9788184759693.
- ↑ Joseph, Sherry (2005). Social Work Practice and Men Who Have Sex With Men. p. 64. ISBN 9780761933526.
- ↑ Chandra, Subhash (marzo de 2008). "Review of "The Construction of Queer Culture in India: Pioneers and Landmarks"". Intersections: Gender and Sexuality in Asia and the Pacific (16).
This book went almost unnoticed, and did not contribute to queer discourse or movement.
- ↑ "When your mom is a genius: Anupama Banerji intv with TNM on Shakuntala Devi". The News Minute. 1 de agosto de 2020. Consultado o 31 de agosto de 2020.
- ↑ "D.N. Rama Murthy & Another v. Anupama Banerjee & Others". Legitquest.com.
- ↑ "Shakuntala Devi's life changed after marrying a gay man: The human behind the human computer". India Today (en inglés). 6 de novembro de 2019. Consultado o 13 de agosto de 2020.
- ↑ 28,0 28,1 28,2 "India's math wizard, Shakuntala Devi". Yahoo! India News. 22 de abril de 2013. Consultado o 9 de xullo de 2013.
- ↑ The Election Archives, Volumes 65–70. Shiv Lal. 1982. pp. 111, 64.
Two other prominent independents were film comedian I. S. Johar and the mathematician, Mrs Shakuntala Devi. I. S. Johar contested from Bombay south and New Delhi and Mrs Shakuntala Devi from Bombay south and Medak in Andhra Pradesh.
- ↑ "Lesser Known Facts About Shakuntala Devi, The Human Calculator Whom Vidya Balan Is Essaying in Biopic". HerZindagi English (en inglés). 16 de setembro de 2019. Consultado o 21 de xullo de 2020.
- ↑ "Bombay's Women". Himmat Volume 16 Part 1. 1979. p. 10.
So now Mrs. Devi wants to "defend the people of Medak from being fooled by Mrs. Gandhi".
- ↑ Agarala Easwara Reddi (1985). Lok Sabha Elections, 1977 & 1980, in Andhra Pradesh. Tamil Nadu Academy of Political Science. p. 175.
9. Smt. Shakuntala Devi (Ind) (the well known mathematical prodigy) 6514 1.47 / 10. Sardar Jagat Singh (Ind) 1430 0.32
- ↑ Mathematical Bonaza, Shakuntala Devi (20 de xullo de 2020). "Shakiuntala Devi". Youtube. Consultado o 23 de outubro de 2020.
- ↑ "Shakuntala Devi's 84th birthday celebrated with a doodle". The Times of India. 4 de novembro de 2013. Consultado o 4 de novembro de 2013.
- ↑ "Vidya Balan to play Math genius Shakuntala Devi in her next film". The Hindu. 8 de maio de 2019. Consultado o 16 de maio de 2019.
- ↑ "Vidya Balan to play ace mathematician Shakuntala Devi in biopic". Scroll.in. 8 de maio de 2019. Consultado o 16 de maio de 2019.
- ↑ "Vidya Balan's Shakuntala Devi biopic to be released on Amazon Prime, actor 'thrilled to entertain you in unprecedented times'". Hindustan Times. 15 de maio de 2020. Consultado o 16 de maio de 2020.
- ↑ Arora, Akhil (15 de maio de 2020). "Vidya Balan's Shakuntala Devi Out July 31 on Amazon Prime Video". NDTV Gadgets 360. Consultado o 16 de xullo de 2020.
- ↑ Siker, Jeffrey S. (2006). Homosexuality and Religion. Greenwood Publishing Group. p. 127. ISBN 9780313330889.: "In her 1977 book, mathematician Shakuntala Devi interviewed..."