Abrir o menú principal
Para a moeda romana de bronce con valor de medio ás, ver semis.
Semissis de Constantinopla a nome de Anastasio I (491-518). Peso: 2,25 g. Anverso: D N ANASTASIVS P P AUG; busto do emperador. Reverso: VICTORIA AVGGG; Vitoria sedente, cristograma e CONOB no exergo.

O semissis (voz latina, "metade dunha unidade"; en grego σεμίσσης) foi unha pequena moeda da Antiga Roma de ouro, aparecida no século IV, equivalente a medio sólido do Imperio Romano, e que continuou vixente ata o século IX co valor da metade do nomisma do Imperio Bizantino.[1][2][3][4]

Índice

HistoriaEditar

Os motivos máis recorrentes dos semissis son o busto do emperador nos seus anversos e a imaxe dunha idealización alegórica da Vitoria nos seus reversos.[5]

A partir da reforma de 309, no reinado do emperador Constantino I (306-337), o sólido constituíu, xunto co seu divisor, o semissis (arredor de 2,25 gramos), o estándar moeda de ouro do Imperio Romano.[6][7]

Os primeiros exemplares de semissis foron emitidos ao seu nome nos obradoiros monetarios de Roma en 312. Durante os séculos IV e V cuñouse en cantidades moi modestas, e foi nos séculos VI e VII, e nas primeiras décadas do VIII cando as súas emisións acadaron maior importancia. A partir de 740 foi moi raramente cuñado no Oriente; o derradeiro exemplar coñecido provén do reinado de Basilio I o Macedonio (867-886). No entanto, na Europa Occidental mantívose en circulación en Sicilia ata a conquista árabe de Siracusa (877-878).[8]

NotasEditar

  1. "Semissis". En Amandry, Michel. (2001).
  2. Alfaro Asins, C. et al. (2009). "Semissis".
  3. "Semissis". En Algunos tipos de monedas antiguas. www.tesorillo.com
  4. "Semissis". En Mateu y Llopis, F. (1946).
  5. Fotografía e descrición dun semissis. En Harvard Art Musseums.
  6. "Semissis". En Forum Ancient Coins.
  7. Cepeda, Juan José. (2004).
  8. Kazhdan (1991). Páxina 1.868.

Véxase taménEditar

Outros artigosEditar

BibliografíaEditar

Ligazóns externasEditar