Sebastián Ariel Méndez Pardiñas
Sebastián Ariel Méndez Pardiñas, nado en Buenos Aires o 4 de xullo de 1977, é un exfutbolista e actual adestrador de fútbol arxentino. Xogaba na demarcación de defensa e foi internacional coa selección arxentina. É de ascendencia galega polo que nos campos da Arxentina o coñecían como Gallego Méndez.
| Sebastián Méndez | |||
|---|---|---|---|
 | |||
| Información persoal | |||
| Nome | Sebastián Ariel Méndez Pardiñas | ||
| Nacemento | 4 de xullo de 1977 (46 anos) | ||
| Lugar de nacemento | París | ||
| Altura | 1,77 m. | ||
| Posición | Defensa | ||
| Carreira sénior | |||
| Anos | Equipos | Aprs | (Gls) |
| 1993–2002 | Vélez Sársfield | 177 | (3) |
| 2002–2006 | Celta de Vigo | 57 | (0) |
| 2006–2009 | San Lorenzo | 60 | (2) |
| 2009 | Banfield | 19 | (0) |
| Total | 313 | (5) | |
| Selección nacional | |||
| 1999 | Arxentina | 2 | (0) |
| Adestrador | |||
| 2010 | San Lorenzo (coidador) | ||
| 2011 | Banfield | ||
| 2013–2014 | Atlanta | ||
| 2014 | Platense | ||
| 2015 | Gimnasia de Jujuy | ||
| 2016 | Godoy Cruz | ||
|
Partidos e goles só en liga doméstica. [ editar datos en Wikidata ] | |||
Traxectoria editar
Debutou con 17 anos co Vélez Sársfield, co que foi campión da Copa Libertadores, da Copa Intercontinental, da Copa Suramericana e logrou tres títulos de Liga nas oito tempadas que militou no equipo.
Este palmarés fixo que o Celta de Vigo se fixase nel e o fichase no mercado de inverno da tempada 2002/03. Dende un primeiro momento gañou o afecto da afección co seu compromiso e entrega no campo.
No Celta viviu grandes momentos como a clasificación e disputa da Copa de Europa e o ascenso a Primeira División pero tamén malos coma o descenso da tempada 2003/04.
Despois de varias lesións que lle impediron ter continuidade o club traspasouno ao San Lorenzo de Almagro, equipo co que volveu gañar o título de Liga. Antes de retirarse aínda xogaría no CA Banfield, no que se convertería no xefe da defensa, axudando a conquistar outra vez o título de Liga, o quinto na súa conta particular. Despois deste último triunfo retirouse de fútbol profesional.
En abril de 2010 fíxose cargo interinamente da dirección do CA San Lorenzo de Almagro trala renuncia de Diego Simeone.
Véxase tamén editar
Ligazóns externas editar
- Txema Ereaga (11 de abril de 2012). "El 'Gallego' Méndez". Fame Celeste (en castelán).