Sarah Lucas
Sarah Lucas, nada en 1962 en Londres, é unha artista que tivo recoñecemento no grupo dos Xoves Artistas Británicos (Young British Artist, en inglés) na década dos 90s.
| Biografía | |
|---|---|
| Nacemento | 23 de outubro de 1962  (61 anos)Holloway, Reino Unido (en)  |
| Datos persoais | |
| Residencia | Chapel House (en) |
| País de nacionalidade | Reino Unido |
| Educación | Goldsmiths, University of London (en) |
| Actividade | |
| Campo de traballo | Escultura |
| Lugar de traballo | Londres |
| Ocupación | artista visual , artista de instalacións , escultora , fotógrafa , artista de performance |
| Período de actividade | 1982 - 2011 |
| Membro de | |
| Xénero artístico | Autorretrato, Instalación e ready-made (pt) |
| Movemento | Abject art (en) e Arte contemporánea |
| Lingua | Lingua inglesa |
| Representante | Gladstone Gallery (en) |
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde abril de 2012.) |
Traxectoria editar
A súa obra é coñecida polo seu agudo enxeño e o uso dos elementos ready-made. Estudou no London College of Painting antes de ingresar ao Goldsmiths College, onde acudiu no período 1984-1987. Alí tivo unha relación con Damien Hirst e posteriormente con Gary Hume. A súa obra temperá consistiu en instalacións de esculturas, co que formou parte da exhibición Freeze.
En entrevistas admitiu que logo de Freeze a súa carreira perdeu visibilidade por uns anos e foi coñecida principalmente como a moza de Gary Hume. En 1990, logo de vivir varios anos con el en Nova York, se separaron e Lucas retornou a Londres, onde comezou unha longa relación con Angus Fairhurst.
O éxito veu en 1991 cando expuxo a súa obra en solitario no City Racing. Consistiu esta en collages feitos con portadas de xornais británicos. As dramáticas pezas, con grande énfase no sexo, a deformidade, a violencia e o sensacionalismo tipificaron moitos dos elementos asociados co YBAs. Charles Saatchi comprou o set completo e o exhibiu na Saatchi Gallery, en Londres, no ano seguinte. Lucas usou os cartos procedentes da venda para financiar The Shop, un proxecto executado coa súa amiga Tracey Emin, coñecido como The Birds en 1993. Moitas das obras de Lucas dese período foron parodias sutís do traballo de contemporáneos seus máis famosos.
Fóra das contribucións que realizou ás exhibicións Brilliant, en 1995, e Sensation, en 1997, Lucas non exhibiu en solitario ata 1998, cando Sadie Coles lle organizou unha exposición nun edificio bacío en Clerkenwell. No ano 2000 foille encargada a instalación dunha serie de obras no museo Freud, o cal estivo acompañado dunha exhibición na galería Sadie Coles. Os traballos alí presentados eran formas feminoides inspiradas por Louise Bourgeois. A exposición de Lucas en 2006 realizada no museo Tate Liverpool foi considerada por Jonathan Jones en The Guardian como mediocre.